ހޯމް މިނިސްޓަރ އިމްރާން އަބްދުﷲގެ ފަރާތުން ޖިންސީ ގޯނާ ލިބުނު ކަމަށް ބުނާ އަންހެން މީހާ މިއަދު ހެނދުނު ރައީސް އޮފީސް ކައިރިން މިނިސްޓަރު އިމްރާނާއި ދިމާކޮށް، ނުރުހުން ފާޅުކޮށްފިއެވެ.

މަންޒަރުދުއް މީހަކު ބުނީ ރައީސް އޮފީސް ކައިރިން މިނިސްޓަރ އިމްރާން ހިންގަވާފައި ވަޑައިގެންނެވިއިރު އަންހެން މީހާ ވަނީ މިނިސްޓަރ އިމްރާނާއި އެއްވަރަށް ސައިކަލް ދުއްވަމުން ނުރުހުން ފާޅުކޮށް އަޑުގަދަ ކޮށްފައެވެ.

އިމްރާން އަރިހުގައި އޭރު ބޮޑީގާޑާއި އަދި އިތުރު މީހަކު ވެސް ހުއްޓެވެ. ނަމަވެސް އެއްވެސް މީހަކު އަންހެން މީހާ ހުއްޓުވަން މަސައްކަތެއް ނުކުރެއެވެ.

މިނިސްޓަރ އިމްރާންގެ ފަރާތުން ޖިންސީ ގޯނާ ލިބުނު ކަމަށްބުނާ މީހާ އެމައްސަލަ މީގެ ކުރިން ދެފަހަރެއްގެ މަތިން ޖެންޑާ މިނިސްޓްރީއަށް ހުށަހެޅުމުން ވެސް އެމައްސަލަ ބަލާފައި ނުވާކަމަށް އޭނާ ބުނުއެވެ.

ހޯމް މިނިސްޓަރ އިމްރާ ޖިންސީ ގޯނާ ކުރި ކަމަށް ބުނެ އެވާހަކަ އަންހެނަކު ކިޔައިދޭ އޯޑިއޯއެއްވެސް މީގެކުރިން ވަނީ ލީކުކޮށްލާފައެވެ.