މިއަދަކީ ރާއްޖޭގައި ފާހަގަކުރާ 39 ވަނަ މަސްވެރިންގެ ދުވަހެވެ.

މި ދުވަސް ފާހަގަކުރުމުގެ ގޮތުން ޅ. ނައިފަރުގެ ކަނބަލުންތަކެއް ނުކުމެ މި ވަނީ 8 ޓަނުގެ މަސް ބާނާފައެވެ.

މިކަމާ ގުޅިގެން "ޒުވާން މަސްވެރިޔާ" ކުރި ޓްވީޓެއް ބުނީ، މަސްވެރިންގެ ދުވަހު ނައިފަރުގެ ކަނބަލުން ނުކުމެ 8 ޓަނުގެ މަސް ބާނައިގެން ފެލިވަރަށް ލަފާފައިވާ ކަމަށެވެ.

މީގެ ކުރިން ވެސް މި ދުވަސް ފާހަގަކުރަން އަންހެންވެރިން މަހަށް ނުކުމެ ފިރިހެންވެރިންނަށް ހިތްވަރުދެއެވެ.

މީގެ ކުރިން ބީއެމްއެލްގެ އަންހެން މުވައްޒަފުން ވެސް ވަނީ ކަނޑުމައްޗަށް ނުކުމެ މަސްވެރިކަމުގެ ތަޖުރިބާކޮށްފައެވެ.