ހުޅުމާލޭ އަތިރިމަތީގައި ރޭ ރެދަން ލައި ދިއްލާލައިފި އެވެ.

ހުޅުމާލޭ އަތިރިމަތީގައި ރެދަން ލުމުން ގިނަ ބަޔަކު ވަނީ ރޭ ހުޅުމާލޭ އަތިރިމައްޗަށް ޖަމާވެ އެމަންޒަރު ބަލާފައެވެ.

ރާއްޖޭގެ ބައެއް ރަށްރަށުގައި ރެނދަން ލުމުން މީގެ ކުރިން އެކަން ދުނިޔޭގެ ސަމާލުކަމަށް ވެސް އައިސްފައި ވެއެވެ. ނަމަވެސް ހުޅުމާލޭގައި މީގެ ކުރިން މިހައި ބޮޑަށް ރެނދަންލި ކަމުގެ މައުލޫމާތެއް ލިބިފައެއް ނުވެއެވެ.

ރާއްޖޭގައި ކޮންމެ އަހަރެއްގެ ވެސް މި ދުވަސްވަރު މެދުކެނޑުމެއް ނެތި ރެނދަންލުމުގެ އެންމެ ބޮޑު ތާރީޚެއް އޮތް، ރ. ވާދޫގައި ވެސް މި ދުވަސްވަރު ރޭގަނޑުގެ ވަގުތުތަކުގައި ރެދަން ލަމުން އެބަދެއެވެ.

Hulhumale Beach glowing on the Saturday 20th December 2020, the second last day of “Mula Nakaiy”

Mula Nakaiy is the first Nakaiy of Iruvaa, which is believed to be strong winds and rough sea, pic.twitter.com/JbapB3FdG4

— Ibrahim Asad (@ASADphoto) December 19, 2020

އާންމުކޮށް މި ފެންނަ ރެދަނުގެ އަސްލަކީ ލޮލަށް ނުފެންނަ ވަރުގެ ކުދި ސޫފިތަކެއް ކަމަށްވާ ބަޔޮލުމިނެސެންސް ފައިޓޮޕްލެންކްޓަންސް އެވެ.

ރާއްޖޭގައި ރެދަން ލައިގެން އެކަން އެންމެ ބޮޑަށް ދުނިޔޭގެ ސަމާލުަކަމަށް އައީ 2013 ވަނަ އަހަރު އެވެ. އެއީ ރ. ވާދުގައި ރެދަން ލާފައިވާ މަންޒަރެވެ.

ވާދޫގެ އެ މަންޒަރާ ގުޅޭ ގޮތުން، ބީބީސީ އަދި ސީއެނއެމްއިން ވަނީ ފީޗާރ ރިޕޯޓެއް ޝާއިއުކޮށްފައެވެ.

އަދީ ނެެޓް ޖިއޯއިން މި ކަމާ ގުޅޭ ޑޮކިއުމެންޓަރީ އެއް ވެސް ދެއްކިއެވެ.