އެމްޑީޕީގެ ބަސް ވިކޭ ޖުޑީޝަލް ސާވިސް ކޮމިޝަނެއް މިވަގުތު އޮތުމަކީ ރައްޔިތުންނަށް ލިބޭ ޔަޤީންކަމެއް ކަމަށާއި އެމްޑީޕީގެ ބަސް ހިނގާ ޖޭއެސްސީއަކުން ޖުޑީޝަރީ އިސްލާހުކުރުމުގެ މަސައްކަތް ކުރާނެކަން ރައްޔިތުންނަށް އެނގޭ ކަމަށް ރައްޔިތުން މަޖިލިހުގެ މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ ވިދާޅުވެއްޖެއެވެ.
ޓީވީ ޕްރޮގުރާމެއްގައި ވާހަކަ ދައްކަވަމުން އިންތި ވިދާޅުވީ ޖުޑީޝަރީ އިސްލާޙުކުރުމަކީ އެމްޑީޕީއަށް ރައްޔިތުން ވޯޓުދީ ސަރުކާރާއި ރައްޔިތުން މަޖިލިސް ހަވާލުކުރި އެންމެ ބޮޑު އެއް ސަބަބު ކަމަށެވެ.
އިންތި ވިދާޅުވީ ޖުޑީޝަރީ އިސްލާހުކުރުމުގެ ގޮތުން ބޮޑެތި މަސައްކަތްތަކެއް މިހާތަނަށް ކުރެވިފައިވާ ކަމުގައެވެ. އެގޮތުން ކުރީގެ ސުޕްރީމް ކޯޓު ބަދަލުކުރެވިފައިވާ ކަމުގައި އޭނާ ވިދާޅުވިއެވެ. އަދި އެހެން ކޯޓުތަކުގައި ތިއްބެވި އެކި ކަހަލަ ތުހުމަތުތައް އަމާޒުވެފައިވާ ބޭފުޅުން ފަނޑިޔާރުކަމުން ވަކިކުރެވިފައިވާ ކަމުގައިވެސް އޭނާ ވިދާޅުވިއެވެ.
ޖޭއެސްސީ މިނިވަންކުރުމާ ގުޅޭ ގޮތުން ވާހަކަދައްކަވަމުން އިންތި ވިދާޅުވީ ޖޭއެސްސީ މިނިވަންކުރި ނަމަވެސް އެތަނުގައި ބައިތިއްބާނީ ކޮންމެވެސް އެހެން ބައެއް ކަމުގައެވެ. އެތަނުގައި ފަނޑިޔާރުން ބައިތިއްބާނަމަ، މާޒީގައި ކަންކަން ހިނގާފައިވާ ގޮތަށް ބަލާއިރު ފަނޑިޔާރުން ތިބެގެން ޖޭއެސްސީން ރަނގަޅަށް ކަންކުރާނެކަމަށް ރައްޔިތުން ޤަބޫލުކުރާނެތޯ އިންތި ސުވާލު އުފެއްދެވިއެވެ.
އަދި އެމްޑީޕީގައި އޮތީ ކަންކުރުމުގެ ހެޔޮ ނިޔަތް ކަމުގައިވެސް އިންތި ފާހަގަކުރެއްވިއެވެ.
"އަޅުގަނޑުމެންގެ އެ ވިލް އެބައޮތް. އެ ނިޔަތް އެބައޮތް. އެކަން އިސްލާހުކުރުމުގެ، އެކަން ކުރުމުގެ ޕޮލިޓިކަލް ވިލް އޮތް ބަޔަކު ތިބެގެން އެކަންކުރެވޭނީ." އިންތި ވިދާޅުވިއެވެ.
ޖޭއެސްސީން ކުރަންޖެހޭ މަސައްކަތް ކުރާނީ ކޮން ބައެއްތޯ ރައްޔިތުން ވިސްނާނެ ކަމަށްވެސް އިންތި ވިދާޅުވިއެވެ.
ޓީވީ ޕްރޮގުރާމެއްގައި ވާހަކަ ދައްކަވަމުން އިންތި ވިދާޅުވީ ޖުޑީޝަރީ އިސްލާޙުކުރުމަކީ އެމްޑީޕީއަށް ރައްޔިތުން ވޯޓުދީ ސަރުކާރާއި ރައްޔިތުން މަޖިލިސް ހަވާލުކުރި އެންމެ ބޮޑު އެއް ސަބަބު ކަމަށެވެ.
އިންތި ވިދާޅުވީ ޖުޑީޝަރީ އިސްލާހުކުރުމުގެ ގޮތުން ބޮޑެތި މަސައްކަތްތަކެއް މިހާތަނަށް ކުރެވިފައިވާ ކަމުގައެވެ. އެގޮތުން ކުރީގެ ސުޕްރީމް ކޯޓު ބަދަލުކުރެވިފައިވާ ކަމުގައި އޭނާ ވިދާޅުވިއެވެ. އަދި އެހެން ކޯޓުތަކުގައި ތިއްބެވި އެކި ކަހަލަ ތުހުމަތުތައް އަމާޒުވެފައިވާ ބޭފުޅުން ފަނޑިޔާރުކަމުން ވަކިކުރެވިފައިވާ ކަމުގައިވެސް އޭނާ ވިދާޅުވިއެވެ.
ޖޭއެސްސީ މިނިވަންކުރުމާ ގުޅޭ ގޮތުން ވާހަކަދައްކަވަމުން އިންތި ވިދާޅުވީ ޖޭއެސްސީ މިނިވަންކުރި ނަމަވެސް އެތަނުގައި ބައިތިއްބާނީ ކޮންމެވެސް އެހެން ބައެއް ކަމުގައެވެ. އެތަނުގައި ފަނޑިޔާރުން ބައިތިއްބާނަމަ، މާޒީގައި ކަންކަން ހިނގާފައިވާ ގޮތަށް ބަލާއިރު ފަނޑިޔާރުން ތިބެގެން ޖޭއެސްސީން ރަނގަޅަށް ކަންކުރާނެކަމަށް ރައްޔިތުން ޤަބޫލުކުރާނެތޯ އިންތި ސުވާލު އުފެއްދެވިއެވެ.
އަދި އެމްޑީޕީގައި އޮތީ ކަންކުރުމުގެ ހެޔޮ ނިޔަތް ކަމުގައިވެސް އިންތި ފާހަގަކުރެއްވިއެވެ.
"އަޅުގަނޑުމެންގެ އެ ވިލް އެބައޮތް. އެ ނިޔަތް އެބައޮތް. އެކަން އިސްލާހުކުރުމުގެ، އެކަން ކުރުމުގެ ޕޮލިޓިކަލް ވިލް އޮތް ބަޔަކު ތިބެގެން އެކަންކުރެވޭނީ." އިންތި ވިދާޅުވިއެވެ.
ޖޭއެސްސީން ކުރަންޖެހޭ މަސައްކަތް ކުރާނީ ކޮން ބައެއްތޯ ރައްޔިތުން ވިސްނާނެ ކަމަށްވެސް އިންތި ވިދާޅުވިއެވެ.
ކިޔުންތެރިންގެ ހިޔާލު