އެމްޓީސީސީގެ ފެރީގެ ހިދުމަތާއެކު ތ. އަތޮޅާއި ލ. އަތޮޅުގެ ރައްޔިތުންގެ ދިރިއުޅުމަށް އާދިރުމެއް ލިބި ފާގަތި މުސްތަގުބަލެއްގެ އުއްމީދު އާވެއްޖެ ކަމަށް މަޖިލީހުގެ ގަމު ދާއިރާގެ މެމްބަރު މުހައްމަދު ވިސާމް ވިދާޅުވެއްޖެއެވެ.

ވިސާމް މިހެން ވިދާޅުވީ، ތ. އަތޮޅާއި ލ. އަތޮޅު ގުޅުވައިދޭ ސްޕީޑް ފެރީގެ ހިދުމަތް ރޭ އިފްތިތާހުކުރުމަށްފަހު ކުރެއްވި ޓްވީޓެއްގައެވެ. ވިސާމް ވިދާޅުވީ، ރައްޔިތު މީހާ ރަށު ބަންދުން ވީއްލައި ދޭނީ އެމްޑީޕީއިން ކަމަށާއި ރައީސް އިބްރާޙިމް މުހައްމަދު ޞާލިހް ދަތުރުފަތުރުގެ ނިޒާމަށް ހެޔޮ ބަދަލެއް ގެންނަވާނެ ކަމަށެވެ.

އެމްޓީސީސީގެ ފެރީގެ ހިދުމަތާއެކު ތ. އަތޮޅާއި ލ. އަތޮޅުގެ ރައްޔިތުންގެ ދިރިއުޅުމަށް އާދިރުމެއް ލިބި މާ ފާގަތި މުސްތަގުބަލެއްގެ އުއްމީދު އާވެއްޖެ. ރައްޔިތު މީހާ ރަށު ބަންދުން ވީއްލައި ދޭނީ އެމްޑީޕީއިން. ރައީސް @ibusolih ދަތުރުފަތުރުގެ ނިޒާމަށް ހެޔޮ ބަދަލެއް ގެންނަވާނެ pic.twitter.com/lhpS8rR9o6

— Mohamed Wisam (@mohamedwisaam) December 28, 2020

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އިން 2015 ވަނަ އަހަރުން ފެށިގެން ތ. އަތޮޅާއި ލ. އަތޮޅުގައި ދޯނި ފެރީގެ ހިދުމަތް ދިން ނަމަވެސް، އެ ކުންފުނިން ސްޕީޑް ފެރީގެ ޚިދުމަތް އެ ދެ އަތޮޅުގައި ދޭ މިއީ ފުރަތަމަ ފަހަރެވެ.

އެމްޓީސީސީ އިން ރާއްޖޭގެ ގިނަ އަތޮޅުތަކެއްގައި ދޯނި ފެރީ ދަތުރުތައް ކުރި ނަމަވެސް ލާންޗް ފެރީގެ ޚިދުމަތް ދެނީ މަދު ސަރަހައްދު ތަކެއްގައެވެ.