މައްސަލައެއްގައި ދައުވާ ލިބުނު ފަރާތަށް ޤާނޫނީ ވަކީލަކު އައްޔަންކުރަން ފުރުސަތު ނުދިންކަމަށް ބުނެ މެޖިސްޓްރޭޓެއްގެ މައްސަލަ ޖުޑީޝަލް ސާވިސް ކޮމިޝަން (ޖޭއެސްސީ)އިން ބަލަން ފަށައިފިއެވެ.
ޖޭއެސްސީން ނެރުނު ބަޔާނެއްގައި މިއަދު ބުނީ، ސ. މަރަދޫފޭދޫ މެޖިސްޓްރޭޓް ކޯޓުގައި ކުރިއަށް ދިޔަ ޤަޟިއްޔާއެއްގައި ދައުވާ ލިބުނު ފަރާތަށް ޤާނޫނީ ވަކީލަކު ޢައްޔަނުކުރުމުގެ ފުރުޞަތު އެ ޤަޟިއްޔާ ބެއްލެވި ސ. މަރަދޫފޭދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛު އިބްރާހީމް ނަފީސް ޙުސައިން ނުދެއްވި ކަމަށް ބުނާ މައްސަލައެއް ތަޙްޤީޤްކުރުމަށް އެ ކޮމިޝަނުގެ މައްސަލަ ބެލުމާމެދު ގޮތެއް ނިންމާ ކޮމެޓީން ނިންމާފައިވާ ކަމަށެވެ.
އިސްމެޖިސްޓްރޭޓް އަލްއުސްތާޛު އިބްރާހީމް ނަފީސް ޙުސައިންގެ ސުލޫކީ މި މައްސަލަ ތަޙުޤީޤުކުރުމަށް ޖެނުއަރީ 10 ވަނަ ދުވަހު ބޭއްވި ޖޭއެސްސީގެ ޖަލްސާގައި ތަހްޤީޤު ކޮމެޓީ އެކުލަވާލާފައިވާކަމަށް ޖޭއެސްސީން ބުނެއެވެ.
ނަމަވެސް އަލްއުސްތާޛު އިބްރާހީމް ނަފީސް ޙުސައިންގެ މައްސަލަ ތަހްޤީޤު ކުރަން އެކުލަވާލި ކޮމެޓީގެ ތަފްސީލެއް ޖޭއެސްސީން އަދި ހާމަކޮށްފައެއް ނުވެއެވެ. ހަމައެހެންމެ އަލްއުސްތާޛު އިބްރާހީމް ނަފީސް ޙުސައިންގެ މައްސަލަ ޖޭއެސްސީއަށް ހުށަހެޅި ދުވަހެއް ވެސް ޖޭއެސްސީން ހާމައެއް ނުކުރެއެވެެެ.
މި ސަރުކާރުގައި އުފެދުނު އާ ޖޭއެސްސީން ގެންދަނީ ފަނޑިޔާރުންނާ ބެހޭ ގިނަ މައްސަލަތަކެއް ބަލަމުންނެވެ. މީގެ ކުރިން ވެސް އިސްމެޖިސްޓްރޭޓުންތަކެއްގެ މައްސަލަ ބަލާކަން އެކި ފަހަރުމަތިން އެ ކޮމިޝަނުން ހާމަކުރިއެވެ.
އިސްމެޖިސްޓްރޭޓް އަލްއުސްތާޛު އިބްރާހީމް ނަފީސް ޙުސައިންގެ ސުލޫކީ މި މައްސަލަ ތަޙުޤީޤުކުރުމަށް ޖެނުއަރީ 10 ވަނަ ދުވަހު ބޭއްވި ޖޭއެސްސީގެ ޖަލްސާގައި ތަހްޤީޤު ކޮމެޓީ އެކުލަވާލާފައިވާކަމަށް ޖޭއެސްސީން ބުނެއެވެ.
މި ސަރުކާރުގައި އުފެދުނު އާ ޖޭއެސްސީން ގެންދަނީ ފަނޑިޔާރުންނާ ބެހޭ ގިނަ މައްސަލަތަކެއް ބަލަމުންނެވެ. މީގެ ކުރިން ވެސް އިސްމެޖިސްޓްރޭޓުންތަކެއްގެ މައްސަލަ ބަލާކަން އެކި ފަހަރުމަތިން އެ ކޮމިޝަނުން ހާމަކުރިއެވެ.
ކިޔުންތެރިންގެ ހިޔާލު