މި ސަރުކާރުގެ މިނިސްޓަރ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީ މުހައްމަދު މަލީހްގެ އިތުބާރުނެތް ކަމަށް ކަނޑައެޅުމަށް ރައްޔިތުންގެ މަޖިލީހަށް ހުށައަޅައިފިއެވެ.

މިއަދު ކުރިއަށްދާ ޖަލްސާގައި މިނިސްޓަރ މަލީހުގެ އިތުބާރުނެތްކަމަށް ހުށައަޅާފައިވަނީ މަޖިލީހުގެ ފުރިހަމަ އަޣުލަބިއްޔަތު އޮތް އެމްޑީޕީގެ ފަރާތުން މެދު ހެންވޭރު ދާއިރާގެ މެމްބަރު އަލީ އާޒިމެވެ. އާޒިމް ވަނީ މިކަން ޔަގީންކޮށްދެއްވާ ޓްވީޓްވެސް ކުރައްވާފައެވެ.

On behalf of of the @MDPSecretariat parliamentary group, I have submitted to the @mvpeoplesmajlis a no confidence motiontion against Minister of Telecommunications, science and technology Hon. Mohamed Maleeh Jamaal.

— 𝐀𝐥𝐢 𝐀𝐳𝐢𝐦 (@aliaazim) February 10, 2021

މަލީހް މަގާމުން ވަކި ކުރަން ފެންނަ ކަމަށް ނިންމައި، އެމްޑީޕީގެ 10 މެމްބަރަކު ސޮއި ކުރައްވައި އެމްޑީޕީގެ ޕީޖީއަށް މީގެ ދެމަސްކުރިން މައްސަލަ ހުށައަޅުއްވާފައިވެއެވެ. މައްސަލަ ހުށައެޅުމުން، މިދިޔަ އަހަރުގެ ފަހުކޮޅު އެމްޑީޕީގެ ޕީޖީއިން ފާސްކުރީ މިނިސްޓަރު މަލީހްގެ އިތުބާރު ނެތް ކަމަށް ސީދާ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހަށް ދެންނެވުމަށެވެ.

ނަމަވެސް މަލީހުގެ އިތުބާރު ނެތްކަމުގެ މައްސަލަ ކުރިއަށް ނުދާތީ އެމްޑީޕީގެ ގިނަ މެމްބަރުންވަނީ ކަންބޮޑުވުން ފާޅުކުރަށްވާފައެވެ.