ރ. އަލިފުށީ ގެ ގެއެއްގައި އެކަހެރިކުރެވިފައި ހުރި ކުޑަ ކުއްޖަކު ކޯވިޑް-19އަށް ފައްސިވެއްޖެއެވެ.

އެ ކުއްޖާ ފައްސިވެފައިވާކަން އެނގުނީ ކަރަންޓީން މުއްދަތު ހަމަވެގެން ސުންކު ނަގައި ތަހުލީލުކުރުމުންނެވެ. މައުލޫމާތު ލިބިފައިވާ ގޮތުގައި އެއީ އެއް މަހުގެ ކުޑަ ކުއްޖެކެވެ.

އެ ކުއްޖާ ކޯވިޑް-19އަށް ފައްސިވުމާ ގުޅިގެން ގާތުން އެއްތާވީ މީހުން ހޯދުމުގެ މަސައްކަތް ކުރަމުންދާ ކަމަށް މައުލޫމާތު ލިބިފައިވެއެވެ.

ކޯވިޑް19އަށް މިހާތަނަށް ރާއްޖޭން ފައްސިވެފައިވަނީ 14993 މީހުނެވެ.

ކޯވިޑް-19ގައި މިހާތަނަށް ރާއްޖެއިން 54 މީހުން ވަނީ ނިޔާވެފައެވެ. އެއީ 46 ދިވެހިންނާއި 8 ބިދޭސީންނެވެ.