މާލޭގައި މިއަދު ހަވީރު ކުރިއަށް ގެންދިޔަ ކައިވެނި ޕާޓީއެއް ހުއްޓުވައި ޕާޓީ ކުރިއަށް ގެންދިޔަ ސޯލްޓް ކެފޭ ޖޫރިމަނާ ކޮށްފިއެވެ.

ފުލުހުން ބުނީ އެޗް.ޕީ.އޭގެ ގައިޑްލައިންތަކާއި ހިލާފަށް ބޭއްވި ކައިވެނި ހަފްލާއެއް މިއަދު ހަވީރު 05:30 ހާއިރު ހުއްޓުވާފައިވާ ކަމަށެވެ. އަދި ޕާޓީ ކުރިއަށް ގެންދިޔަ ސޯލްޓް ކެފޭ ޖޫރިމަނާ ކޮށްފައިވާ ކަމަށްވެސް ފުލުހުން ވަނީ ބުނެފައެވެ.

ރާއްޖޭގައި ކޯވިޑް-19 އަށް ޕޮޒިޓިވްވާ މީހުންގެ އަދަދުތައް އިތުރުވުމާއި ގުޅިގެން، އެޗްޕީއޭއިން ވަނީ ގްރޭޓަރ މާލެ ސަރަހައްދުގައި މީހުން އެއްވެ އުޅުން މަނާކޮށް، ޕާޓީތަކާއި ހަފްލާތައްވެސް ބޭއްވުން މަނާކޮށްފައެވެ.

އަދި، 10 މީހުންނަށްވުރެ ގިނަ މީހުން އެއްވެ އުޅުން މަނާކޮށް ހަވީރު 06:00 އިން ފެށިގެން ހެނދުނު 06:00 އަށް އެއްގަމު ވެހިކަލްތައް ދުއްވުންވެސް ވަނީ މަނާކޮށްފައެވެ.