ސަރުކާރުގެ ސިޔާސީ ވަޒީފާތައް ލިބުމުގައި އެމްޑީޕީ މެމްބަރުންނަށް އިސްކަން ނުދޭކަމުގެ ކަންބޮޑުވުން އެމްޑީޕީ މެމްބަރުންގެ އެބަހުރި ކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ރައީސް ޞާލިޙް ވިދާޅުވީ އެމްޑީޕީގެ މެމްބަރުންނަށް ވަޒީފާ ނުލިބޭކަމުގެ ކަންބޮޑުވުން ފާޅުކުރާ ކަމަށާއި، ނަމަވެސް ސަރުކާރުގައި އެމްޑީޕީއަށް ކަނޑައަޅާފައިވާ ނިސްބަތުން ރަނގަޅު ޢަދަދެއްގެ ވަޒީފާ އެމްޑީޕީ މެމްބަރުންނަށް ދެވިފައިވާ ކަމަށެވެ. ރައީސް ވިދާޅުވީ އެމްޑީޕީއަކީ ބޮޑު ޕާޓީއެއް ކަމުން ވަޒީފާ ބޭނުންވާ ގިނަ ބަޔަކު ތިބޭނެ ކަމަށާއި، އެހެންކަމުން އަދިވެސް ސަރުކާރުގެ ތެރެއިން އެޖާގަ އޮތް މިންވަރުން ވަޒީފާގެ ފުރުސަތު ހަމަޖައްސާނެ ކަމަށެވެ.
ރައީސް ވިދާޅުވީ، ސަރުކާރުން މަޤާމުތަކަށް މީހުން ޢައްޔަނު ކުރަނީ ޤާބިލްކަމަށް ބެލުމަށްފަހު ކަމަށާއި މިހާތަނަށްވެސް ގިނަ މަޤާމުތަކަށް ޢައްޔަނު ކޮށްފައިވާނީ މަޤާމުތަކަށް ބޭނުންވާ ޢިލްމާއި ތަޖުރިބާ ހުރި މީހުން ކަމަށެވެ.
މީގެ އިތުރުން އެކިއެކި ބޯޑު ތަކާއި، މުޢައްސަސާތަކަށް ސަރުކާރުން ހުށައަޅާ ނަންތައް މަޖިލީހުންވެސް ފާސްކުރާ ކަމަށާއި، އެހެންކަމުން މަޤާމުތަކަށް ޢައްޔަނުކޮށްފައިވާނީ ކޮލިފައިޑް މީހުންކަމަށް ޤަބޫލުކުރަށްވާ ކަމަށް ރައީސް ވިދާޅުވިއެވެ.
މީގެ އިތުރުން އެކިއެކި ބޯޑު ތަކާއި، މުޢައްސަސާތަކަށް ސަރުކާރުން ހުށައަޅާ ނަންތައް މަޖިލީހުންވެސް ފާސްކުރާ ކަމަށާއި، އެހެންކަމުން މަޤާމުތަކަށް ޢައްޔަނުކޮށްފައިވާނީ ކޮލިފައިޑް މީހުންކަމަށް ޤަބޫލުކުރަށްވާ ކަމަށް ރައީސް ވިދާޅުވިއެވެ.
ކިޔުންތެރިންގެ ހިޔާލު