އެމްއެމްޕީއާރުސީ ޚިޔާނާތްތެރިންގެ ލިސްޓުގައި 281 ނަން ހިމެނޭ ކަމަށް މި މައްސަލަ ބަލާ ރައްޔިތުންގެ މަޖިލީހުގެ ޖޮއިންޓް ކޮމިޓީގެ މުޤައްރިރު މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ ވިދާޅުވެއްޖެއެވެ.
ރައްޔިތުންގެ މަޖިލީހުގެ ސަލާމަތީ ޚިދުމަތްތަކާބެހޭ ކޮމިޓީ އަދި ޖުޑީޝިއަރީ ކޮމިޓީގެ ޖޮއިންޓް ކޮމިޓީގެ ރޭގެ ބައްދަލުވުމުގައި މެމްބަރު އިމްތިޔާޒް ވިދާޅުވީ، އެމްއެމްޕީއާރުސީގެ ކޮރަޕްޝަންގެ ފައިސާ ލިބުނުކަމަށް ތުހުމަތުކުރާ ލިސްޓަށް 14 މީހަކު އިތުރުކުރުމާއެކު، އެ ލިސްޓުގައި މިހާރު 281 މީހުންގެ ނަން ހިމެނޭ ކަމަށެވެ. ކުރިން ތަހުގީގީ އިދާރާތަކުން ވިދާޅުވެފައިވަނީ އެމްއެމްޕީއާރުސީ ކޮރަޕްޝަން ލިސްޓްގައި ހިމެނެނީ 267 މީހެއްގެ ނަންކަމަށެވެ.
އެސެޓް ރިކަވަރީ ކޮމިޝަނުން އެމްއެމްޕީއާރުސީގެ ކޮރަޕްޝަންގެ ފައިސާ ލިބުނުކަމަށް ބުނާ މީހުންގެ ލިސްޓް މަޖިލީހާއި ހިއްސާކުރައްވަމުން ވަނީ އެ ލިސްޓްގެ ސިއްރުކަން ހިފަހައްޓައިދިނުމަށް އެދިފައެވެ. އެހެންކަމުން ކޮމިޓީން މެމްބަރުންނަށް އަންގާފައިވަނީ ކޮމިޓީގެ މެމްބަރުންނަށްވެސް އެ ލިޔުންތައް ބެއްލެވޭނީ މަޖިލީހުގެ ކޮމިޓީއަށް ޙާޟިރު ވުމަށް ފަހުގައި ކަމަށެވެ.
ރައްޔިތުންގެ މަޖިލީހުން މީގެ ކުރިން ބުނެފައިވަނީ، އެމްއެމްޕީއާރްސީގެ ޚިޔާނާތާއި ވައްކަމުގެ މައްސަލައިގައި ހިމެނޭ ފަރާތްތަކުގެ ޖިނާއީ ތަހުގީގު ގޮސްފައިވާ ހިސާބު އޮޅުންފިލުވުމަށާއި، އެ ތަހުގީގުތައް އެކަށީގެންވާ ގޮތެއްގައި ކުރިއަށް ނުދާ ސަބަބު ސާފުކުރުމަށް މަޖިލީހުގެ މެމްބަރަކު ހުށަހަޅުއްވާފައިވާ މައްސަލައާ ގުޅިގެން މައުލޫމާތު ސާފުކުރަން އެސެޓް ރިކަވަރީ ކޮމިޝަނާއި، ޕްރޮސެކިއުޓަރ ޖެނެރަލްގެ އޮފީހާއި، ފުލުހުންނަށް މިދިޔަ މަހުގެ 28 ވަނަ ދުވަހު ދެންނެވުމުން އެ ހުރިހާ އިދާރާއަކުން ވެސް އެ މައުލޫމާތުތައް ހިއްސާކޮށްފައިވާ ކަމަށެވެ.
މަޖިލީހުގެ ރައީސް، ރައީސް ނަޝީދު މިއަދު ވަނީ، އެމްއެމްޕީއާރްސީގެ ޚިޔާނާތާއި ގުޅިގެން ދައުލަތުން ގެއްލިފައިވާ ފައިސާ ހޯދުމަށްޓަކާ ދައުލަތުގެ އެކި އިދާރާތަކުން ތަހުގީގު ހިންގަމުން ދިޔަ ނަމަވެސް ފާއިތުވި މުއްދަތުގެ ތެރޭގައި އެކަށީގެންވާ ގޮތަކަށް ތަހުގީގު ކުރެވި، ގެއްލިފައިވާ ފައިސާ ހޯދިފައި ނުވާތީއާއި، އަދި ޚިޔާނާތުގައި ބައިވެރިވި ފަރާތްތައް ވެސް ހޯދިފައި ނުވާތީ، ގެއްލިފައިވާ ފައިސާ ހޯދުމަށް ކަމާބެހޭ ބޭރުގެ ފަންނީ މާހިރެއް އައްޔަނުކޮށް އެފަރާތާއެކު އެމަސައްކަތް ކުރުމުގެ ބާރު އެމްޑީޕީގެ ޕާލިމެންޓްރީ ގްރޫޕަށް ދިނުމަށް ޕާޓީގެ ގައުމީ މަޖިލީހަށް ޤަރާރެއްވެސް ހުށައަޅާފައެވެ.
އެސެޓް ރިކަވަރީ ކޮމިޝަނުން އެމްއެމްޕީއާރުސީގެ ކޮރަޕްޝަންގެ ފައިސާ ލިބުނުކަމަށް ބުނާ މީހުންގެ ލިސްޓް މަޖިލީހާއި ހިއްސާކުރައްވަމުން ވަނީ އެ ލިސްޓްގެ ސިއްރުކަން ހިފަހައްޓައިދިނުމަށް އެދިފައެވެ. އެހެންކަމުން ކޮމިޓީން މެމްބަރުންނަށް އަންގާފައިވަނީ ކޮމިޓީގެ މެމްބަރުންނަށްވެސް އެ ލިޔުންތައް ބެއްލެވޭނީ މަޖިލީހުގެ ކޮމިޓީއަށް ޙާޟިރު ވުމަށް ފަހުގައި ކަމަށެވެ.
މަޖިލީހުގެ ރައީސް، ރައީސް ނަޝީދު މިއަދު ވަނީ، އެމްއެމްޕީއާރްސީގެ ޚިޔާނާތާއި ގުޅިގެން ދައުލަތުން ގެއްލިފައިވާ ފައިސާ ހޯދުމަށްޓަކާ ދައުލަތުގެ އެކި އިދާރާތަކުން ތަހުގީގު ހިންގަމުން ދިޔަ ނަމަވެސް ފާއިތުވި މުއްދަތުގެ ތެރޭގައި އެކަށީގެންވާ ގޮތަކަށް ތަހުގީގު ކުރެވި، ގެއްލިފައިވާ ފައިސާ ހޯދިފައި ނުވާތީއާއި، އަދި ޚިޔާނާތުގައި ބައިވެރިވި ފަރާތްތައް ވެސް ހޯދިފައި ނުވާތީ، ގެއްލިފައިވާ ފައިސާ ހޯދުމަށް ކަމާބެހޭ ބޭރުގެ ފަންނީ މާހިރެއް އައްޔަނުކޮށް އެފަރާތާއެކު އެމަސައްކަތް ކުރުމުގެ ބާރު އެމްޑީޕީގެ ޕާލިމެންޓްރީ ގްރޫޕަށް ދިނުމަށް ޕާޓީގެ ގައުމީ މަޖިލީހަށް ޤަރާރެއްވެސް ހުށައަޅާފައެވެ.
ކިޔުންތެރިންގެ ހިޔާލު