ކުރީގެ ރައީސް، ރައީސް ޢަބްދުﷲ ޔާމީންގެ ދެމަފިރިކަނބަލުންނާއި، އެމަނިކުފާނުގެ ކެބިނެޓްގެ ގިނަ ވަޒީރުންނަށްވެސް މޯލްޑިވްސް މާކެޓިންގ އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއާރުސީ) މެދުވެރިކޮށް، ހިންގި ހިޔާނާތުގެ މަންފާ ލިބިވަޑައިގެންފައިވާކަން ރައްޔިތުންގެ މަޖިލީހުން މިއަދު ހާމަކުރި އެސެޓް ރިކަވަރީ ކޮމިޝަންގެ ލިސްޓުން ހާމަވެއްޖެއެވެ.
މަޖިލީހުން ޢާއްމުކޮށްފައިވާ ލިސްޓުގައި ރައީސް ޔާމީންގެ ކެބިނެޓްގެ 10 ވަޒީރުންނާއި، ސަރުކާރުގެ އިސް މަގާމުތަކުގައި އުޅުއްވި ގިނަ ބޭފުޅުން ހިމެނޭއިރު ޕީޕީއެމަށް ނިސްބަތްވާ ރައްޔިތުންގެ މަޖިލީހުގެ ގިނަ ޢަދަދެއްގެ މެންބަރުންވެސް ހިމެނެއެވެ.
ޚިޔާނާތުގެ ލިސްޓުގައި ރައީސް އަބްދުﷲ ޔާމީނާއި، އަނބިކަނބަލުންނަށްވެސް ފައިސާ ލިބިވަޑައިގެންފައިވާއިރު، އެމަނިކުފާނުގެ ނައިބު ރައީސުން ކަމަށްވާ އަހުމަދު އަދީބާއި ޢަބްދުﷲ ޖިހާދުވެސް އެ ލިސްޓުގައި ހިމެނެއެވެ.
މީގެ އިތުރުން ކެބިނެޓް ވަޒީރުން ކަމަށްވާ ފޮރިން މިނިސްޓަރު ދުންޔާ މައުމޫނާއި، ހެލްތް މިނިސްޓަރު މުހައްމަދު ނާޒިމާއި، އިކޮނޮމިކް މިނިސްޓަރު މުހައްމަދު ސައީދާއި، ޓޫރިޒަމް މިނިސްޓަރު މޫސާ ޒަމީރާއި، އެންވައިރަމަންޓް މިނިސްޓަރު ތޯރިގް އިބްރާހިމާއި، ޔޫތު މިނިސްޓަރު މުހައްމަދު މަލީހު ޖަމާލާއި، ފިޝަރީސް މިނިސްޓަރު މުހައްމަދު ޝައިނީއާއި، އެޑިއުކޭޝަން މިނިސްޓަރު އައިޝަތު ޝިހާމުގެ އިތުރުން ޑިފެންސް މިނިސްޓަރު މޫސާ އަލީ ޖަލީލްގެ އިތުރުން ރައީސް އޮފީހުގެ މިނިސްޓަރު މުހައްމަދު ހުސެއިން ޝަރީފާއި، އެޓާނީ ޖެނެރަލް މުހައްމަދު އަނިލްގެ ނަން ވެސް ލިސްޓުގައި ވެއެވެ.
މީގެ އިތުރުން ރައީސް އޮފީހުގެ ތަރުޖަމާނު އިބްރާހިމް މުއާޒު އަލީއާއި އެ އޮފީހުގެ އޭރުގެ ސްޓޭޓް މިނިސްޓަރު މުހައްމަދު ޣައްސާން މައުމޫންގެ ނަން ވެސް ލިސްޓުގައިވެއެވެ.
އެމް.އެމް.ޕީ.އާރް.ސީގެ ވައްކަމާއި ޚިޔާނާތުގެ މައްސަލައިގައި ފައިސާ ލިބިފައިވާ ފަރާތްތަކުގެ ތެރެއިން، މިހާތަނަށް ތަޙްޤީޤު ނިމިފައިވާ ފަރާތްތަކުގެ އަތުން އެފައިސާ އަނބުރާ ހޯދުމުގެ މަސައްކަތް ކުރިއަށް ގެންދިއުމަށް ދައުލަތުގެ ކަމާގުޅުންހުރި އިދާރާގައި ދެންނެވުމަށް ފެންނަކަމަށާއި، އެ މަސައްކަތް ކުރިއަށް ގެންދާގޮތް ރައްޔިތުންގެ މަޖިލީހުން ބަލަމުން ގެންދިއުމަށް ފެންނަކަމަށް ވެސް މަޖިލީހުން ވަނީ ފާސްކޮށްފައެވެ.
އެސެޓް ރިކަވަރީ ކޮމިޝަންގެ ލިސްޓުގައި ހިމެނޭ ގިނަ ފަރާތްތަކުން ވަނީ އެ ލިސްޓުގައި ނަން އޮންނަންޖެހޭ ސަބަބެއް ނެތްކަމަށް ވިދާޅުވެ އެކަމަށް އިންކާރު ކުރަށްވާފައެވެ. އަދި އެސެޓް ރިކަވަރީ ކޮމިޝަންގެ ރައީސް އަހުމަދު އަސްއަދުވެސް ވަނީ ލިސްޓުގައި ނަން ހިމެނޭ ކޮންމެ މީހަކީ ކުށްވެރިއެއް ކަމަށް ނުބެލުމަށް އެދިވަޑައިގެންފައެވެ.
ޚިޔާނާތުގެ ލިސްޓުގައި ރައީސް އަބްދުﷲ ޔާމީނާއި، އަނބިކަނބަލުންނަށްވެސް ފައިސާ ލިބިވަޑައިގެންފައިވާއިރު، އެމަނިކުފާނުގެ ނައިބު ރައީސުން ކަމަށްވާ އަހުމަދު އަދީބާއި ޢަބްދުﷲ ޖިހާދުވެސް އެ ލިސްޓުގައި ހިމެނެއެވެ.
މީގެ އިތުރުން ކެބިނެޓް ވަޒީރުން ކަމަށްވާ ފޮރިން މިނިސްޓަރު ދުންޔާ މައުމޫނާއި، ހެލްތް މިނިސްޓަރު މުހައްމަދު ނާޒިމާއި، އިކޮނޮމިކް މިނިސްޓަރު މުހައްމަދު ސައީދާއި، ޓޫރިޒަމް މިނިސްޓަރު މޫސާ ޒަމީރާއި، އެންވައިރަމަންޓް މިނިސްޓަރު ތޯރިގް އިބްރާހިމާއި، ޔޫތު މިނިސްޓަރު މުހައްމަދު މަލީހު ޖަމާލާއި، ފިޝަރީސް މިނިސްޓަރު މުހައްމަދު ޝައިނީއާއި، އެޑިއުކޭޝަން މިނިސްޓަރު އައިޝަތު ޝިހާމުގެ އިތުރުން ޑިފެންސް މިނިސްޓަރު މޫސާ އަލީ ޖަލީލްގެ އިތުރުން ރައީސް އޮފީހުގެ މިނިސްޓަރު މުހައްމަދު ހުސެއިން ޝަރީފާއި، އެޓާނީ ޖެނެރަލް މުހައްމަދު އަނިލްގެ ނަން ވެސް ލިސްޓުގައި ވެއެވެ.
މީގެ އިތުރުން ރައީސް އޮފީހުގެ ތަރުޖަމާނު އިބްރާހިމް މުއާޒު އަލީއާއި އެ އޮފީހުގެ އޭރުގެ ސްޓޭޓް މިނިސްޓަރު މުހައްމަދު ޣައްސާން މައުމޫންގެ ނަން ވެސް ލިސްޓުގައިވެއެވެ.
އެސެޓް ރިކަވަރީ ކޮމިޝަންގެ ލިސްޓުގައި ހިމެނޭ ގިނަ ފަރާތްތަކުން ވަނީ އެ ލިސްޓުގައި ނަން އޮންނަންޖެހޭ ސަބަބެއް ނެތްކަމަށް ވިދާޅުވެ އެކަމަށް އިންކާރު ކުރަށްވާފައެވެ. އަދި އެސެޓް ރިކަވަރީ ކޮމިޝަންގެ ރައީސް އަހުމަދު އަސްއަދުވެސް ވަނީ ލިސްޓުގައި ނަން ހިމެނޭ ކޮންމެ މީހަކީ ކުށްވެރިއެއް ކަމަށް ނުބެލުމަށް އެދިވަޑައިގެންފައެވެ.
ކިޔުންތެރިންގެ ހިޔާލު