މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީގެ މަޤާމަށް ރައީސް ޞާލިޙް ޢައްޔަނުކުރެއްވި އާމިނަތު ޝައުނާއަށް ރުހުން ދޭން ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީން ފާސް ކޮށްފިއެވެ.
މިނިސްޓަރ ޝައުނާއަށް ރުހުންދޭން ފާސްކުރީ މިއަދު ބޭއްވި އެ ކޮމިޓީގެ ބައްދަލުވުމުގައި ބައިވެރިވެވަޑައިގެންނެވި މެންބަރުންގެ އިއްތިފާގުންނެވެ. މީގެ ކުރިން ރައީސުލްޖުމްހޫރިއްޔާ އޮފީހުގެ ޕޮލިސީ ސެކްރެޓަރީ ކަމުގެ މަގާމުގައި ހުންނެވި އާމިނަތު ޝައުނާ މިނިސްޓަރގެ މަޤާމަށް ހަމަޖެއްސެވީ މި މަހުގެ ފަސް ވަނަ ދުވަހު އެވެ.
ޝައުނާ މިނިސްޓަރ ކަމަށް އައްޔަނު ކުރެއްވުމަށްފަހު ރައީސް ޞާލިޙް ވަނީ މިނިސްޓްރީ އޮފް އެންވަޔަރަންމަންޓްގެ ނަން، މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީގެ ނަމަށް ބަދަލު ކުރައްވައިފައެވެ.
އަދި އެންވަޔަރުމަންޓް މިނިސްޓްރީގައި ތިބި މުވައްޒަފުން މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީއަށް ވަނީ ބަދަލު ކޮށްފައެވެ.
އަދި އެންވަޔަރުމަންޓް މިނިސްޓްރީގައި ތިބި މުވައްޒަފުން މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީއަށް ވަނީ ބަދަލު ކޮށްފައެވެ.
ކިޔުންތެރިންގެ ހިޔާލު