ކޮރޯނާވައިރަސް ނައްތާލުމުގެ ކުޅަދާނަކަން ލިބިފައިވާ އެންޓިބޮޑީއެއް ދެނެގަނެވިއްޖެކަމަށާއި، މިއީ ވައިރަހާއި ދެކޮޅަށް ލިބުނު ބޮޑު ކުރިއެރުމެއްކަމަށް އިސްރާއީލުގެ ޑިފެންސް މިނިސްޓަރ ނަފްތަލީ ބެނެޓް ވިދާޅުވެއްޖެއެވެ.
އިސްރާއީލްގެ މައި ލެބޯޓްރީކަމަށްވާ އިސްރާއިލް އިންސްޓިޓިއުޓް ފޮރ ބައިލޮޖިކަލް ރިސާޗް (އައިއައިބީއާރް) އިން ދެނެގަނެވިފައިވާ"މޮނޯކްލޯނަލް ނިއުޓްރަލައިޒިންގް އެންޓިބޮޑީ" ނަމަކަށްކިޔާ މި އެންޓިބޮޑީގައި ހަށިގަނޑުތެރޭގައި ކޮރޯނާވައިރަސް މުޅިން ނިއުޓްރަލައިޒް ކޮށްލާ ނުވަތަ އެވައިރަހުގެ ބާރު މުޅިން ކަނޑުވާލާ ނުވަތަ ނައްތާލުމުގެ ކުޅަދާނަކަން ލިބިގެންވާ އެންޓިބޮޑީއެކެވެ. އެކަން ހާމަ ކުރައްވައި ހޯމަ ދުވަހު މިނިސްޓަރ ވިދާޅުވީ މިއީ ވައިރަހާއި ދެކޮޅަށް ލިބުނު ވަރަށް ހާއްސަ ކުރިއެރުމެއް ކަމަށެވެ.
އިސްރާއީލުން ހޯދާފައިވާ މި އެންޓިބޮޑީގެ ފޯމިއުލާ މިހާރު ތައްޔާރުކުރަމުން ގެންދާ ކަމަށް ލެބޯޓްރީގެ އިސްވެރިން ބުނެފައި ވެއެވެ. އަދި މި ފޯމިއުލާގެ މަސައްކަތް ނިމުނުހާ އަވަހަކަށް މި އެންޓިބޮޑީ ގިނަ އަދަދަކަށް އުފެއްދުމަށް ބޭރުގެ ކުންފުންޏަކާއި ހަވާލުކުރާނެކަމަށް ލެބޯޓްރީގެ އިސްވެރިން ބުނެފައި ވެއެވެ.
އިސްރާއީލުގައި ކޯވިޑް-19 އާއި ގުޅިގެން ކުރަމުންދާ ގިނަ ދިރާސާތަކާއި ތަހުލީލުތައް ކުރަމުންދާ އައިއައިބީއާރުން ދަނީ ކޯވިޑް-19 ޖެހި ރަނގަޅުވެފައި ތިބި ފަރާތްތަކުގެ ލޭ ބޭނުންކޮށްގެންވެސް ތަފާތު ދިރާސާތައް ކުރަމުންނެވެ. އެގޮތުން ބަލިޖެހި ރަނގަޅުވެފައި ތިބޭ މީހުންގެ ހަށިގަނޑުގެ ދިފާއީ ނިޒާމުގައި ހުންނަ ޕްރޮޓީންތަކުގެ ބައިތަކަކީ ވައިރަހަށް ފަރުވާއެއް ހޯދުމުގައި ހާއްސަ ދައުރެއް އަދާކުރާ އެއްޗެއްކަމަށް ގިނަ ސައިންސުވެރިން ގަބޫލުކުރެއެވެ.
އައިއައިބީއާރް އިން ދެނެގަނެފައިވާ މި "މޮނޯކްލޯނަލް" އެންޓިބޮޑީއަކީ ރަނގަޅުވެފައިވާ އެއް ސެލްއިން ތައްޔާރުކުރެވިފައިވާ އެންޓިބޮޑީއެކެވެ. އެހެންކަމުން މި އެންޓިބޮޑީއިން ބައްޔާއި ހަނގުރާމަކުރުމުގައި މާ ބޮޑެތި ކާމިޔާބީތަކެއް ލިބޭނެކަމަށް އެ އިދާރާއިން ވަނީ ބުނެފައެވެ. ނަމަވެސް މިހާތަނަށް ދެނެގަނެވިފައިވާ ހުރިހާ އެންޓިބޮޑީތަކަކީ "ޕޮލީކްލޯނަލް" ނުވަތަ ދެ ސެލް ނުވަތަ އެއަށްވުރެ ގިނަ ސެލްތަކުން ތައްޔާރުކުރެވިފައިވާ އެންޓިބޮޑީތަކެއް ކަމަށް ސައިންސް ޑިރެކްޓް މެގެޒިންގައި ރިޕޯޓުކޮށްފައި ވެއެވެ.
ވައިރަސް ފެތުރުން ކޮންޓްރޯލް ކުރުމަށްޓަކާ ބޯޑަރުތައް ބަންދުކުރި އެންމެ ފުރަތަމަ ގައުމުތަކުގެ ތެރޭގައި އިސްރާއީލު ހިމެނޭއިރު، އެގައުމުން ކޯވިޑް-19 އަށް ޕޮޒިޓިވްވި މީހުންގެ އަދަދު ވަނީ 16،268 އަށް އަރާފައެވެ. އަދި މަރުވި މީހުންގެ އަދަދު އުޅެނީ 237 ގައެވެ.
އިސްރާއީލުން ހޯދާފައިވާ މި އެންޓިބޮޑީގެ ފޯމިއުލާ މިހާރު ތައްޔާރުކުރަމުން ގެންދާ ކަމަށް ލެބޯޓްރީގެ އިސްވެރިން ބުނެފައި ވެއެވެ. އަދި މި ފޯމިއުލާގެ މަސައްކަތް ނިމުނުހާ އަވަހަކަށް މި އެންޓިބޮޑީ ގިނަ އަދަދަކަށް އުފެއްދުމަށް ބޭރުގެ ކުންފުންޏަކާއި ހަވާލުކުރާނެކަމަށް ލެބޯޓްރީގެ އިސްވެރިން ބުނެފައި ވެއެވެ.
އިސްރާއީލުގައި ކޯވިޑް-19 އާއި ގުޅިގެން ކުރަމުންދާ ގިނަ ދިރާސާތަކާއި ތަހުލީލުތައް ކުރަމުންދާ އައިއައިބީއާރުން ދަނީ ކޯވިޑް-19 ޖެހި ރަނގަޅުވެފައި ތިބި ފަރާތްތަކުގެ ލޭ ބޭނުންކޮށްގެންވެސް ތަފާތު ދިރާސާތައް ކުރަމުންނެވެ. އެގޮތުން ބަލިޖެހި ރަނގަޅުވެފައި ތިބޭ މީހުންގެ ހަށިގަނޑުގެ ދިފާއީ ނިޒާމުގައި ހުންނަ ޕްރޮޓީންތަކުގެ ބައިތަކަކީ ވައިރަހަށް ފަރުވާއެއް ހޯދުމުގައި ހާއްސަ ދައުރެއް އަދާކުރާ އެއްޗެއްކަމަށް ގިނަ ސައިންސުވެރިން ގަބޫލުކުރެއެވެ.
ވައިރަސް ފެތުރުން ކޮންޓްރޯލް ކުރުމަށްޓަކާ ބޯޑަރުތައް ބަންދުކުރި އެންމެ ފުރަތަމަ ގައުމުތަކުގެ ތެރޭގައި އިސްރާއީލު ހިމެނޭއިރު، އެގައުމުން ކޯވިޑް-19 އަށް ޕޮޒިޓިވްވި މީހުންގެ އަދަދު ވަނީ 16،268 އަށް އަރާފައެވެ. އަދި މަރުވި މީހުންގެ އަދަދު އުޅެނީ 237 ގައެވެ.
ކިޔުންތެރިންގެ ހިޔާލު