މާލޭސިޓީގެ މޭޔަރު ޑރ. މުޢިއްޒު ތުރުކީ ވިލާތަށް ފުރާވަޑައިގެންފިއެވެ.

މާލޭ ސިޓީ ކައުންސިލުން ބުނީ، މޭޔަރު މުޢިއްޒު ތުރުކީއަށް ރަސްމީ ދަތުރެއްގައި ރޭ ފުރާވަޑައިގަންނަވާފައިވާ ކަމަށާއި، މިދަތުރުގެ މަޤްޞަދަކީ ތުރުކީގެ ސިޓީތަކުގެ މޭޔަރުންނާއި ބައްދަލްކުރަށްވައި އެ ސިޓީތަކާއި ގުޅުންބަދަހިކުރުން ކަމަށެވެ.

އޭގެ އިތުރުން މާލޭ ސިޓީއާއި ގުޅުންހުރި އެކި ކަންކަމަށް އެހީތެެރިކަން ހޯދުމަށް މަގުފަހި ކުރުންވެސް މި ދަތުރުގެ މަޤްސަދުތަކުގެ ތެރޭގައި ހިމެނޭ ކަމަށް މާލޭ ސިޓީ ކައުންސިލުން ހާމަކޮށްފައިވެއެވެ.

މާލޭ ސިޓީގެ މޭޔަރ @MMuizzu ތުރުކީއަށް ރަސްމީ ދަތުރެއްގައި މިރޭ ފުރާވަޑައިގަންނަވައިފިއެވެ.މިދަތުރުގެ މަޤްޞަދަކީ ތުރުކީގެ ސިޓީތަކުގެ މޭޔަރުންނާއި ބައްދަލްކޮށް އެ ސިޓީތަކާއި ގުޅުންބަދަހިކޮށް،މާލޭ ސިޓީއާއި ގުޅުންހުރި އެކި ކަންކަމަށް އެހީތެެރިކަން ހޯދޭނެމަގު ފަހިކުރުމަށްޓަކައެވެ. pic.twitter.com/IliMiLp1tB

— Male' City Council (@MaleCitymv) September 10, 2021

މާލޭ ސިޓީ ކައުންސިލުން ބުނީ، މި ދަތުރަށްފަހު ޑރ. މުއިއްޒު ރާއްޖެ ވަޑައިގަންނަވާނީ މިމަހުގެ 17 ވަނަ ދުވަހު ކަމަށެވެ.

މާލޭ ސިޓީގެ މޭޔަރުކަމާ ޑރ. މުޢިއްޒު ޙަވާލުވެވަޑައިގެންނެވި ފަހުން މާލޭ ސިޓީގެ ގިނަ މައްސަލަތަކަށް ޙައްލު ހޯއްދެވުމަށް ބުރަ މަސައްކަތްޕުޅުތަކެއް ގެންދަވަނީ ކުރަށްވަމުންނެވެ. އެގޮތުން މީގެ ކުރިން މަސައްކަތެއް ނެތިފައިއޮތް މާލޭ ސިޓީ ކައުންސިލް މިހާރު ފެނިގެންދަނީ ވަރަށް ޙަރަކާތްތެރި އިދާރާއެއްގެ ގޮތުގައެވެ.