ހުވަދުއަތޮޅު ފަސް ރަށެއް ގުޅާލުމަށް ގޮވާލައި ނިލަންދޫ ކައުންސިލުން ގަރާރެއް ފާސްކޮށްފިއެވެ.
ނިލަންދޫ ކައުންސިލުން މިއަދު ފާސްކޮށްފައިވާ ގަރާރުގައި ވަނީ ގއ. އަތޮޅު ދާންދޫ، ނިލަންދޫ، މާމެންދޫ، ވިލިނގިލި އަދި ކޫއްޑޫ ބުރިޖަކުން ގުޅާލުމަށް ސަރުކާރަށް ގޮވާލާފައެވެ. އަދި އެކަމުގެ ސަބަބުން މިހާރު ރަށްރަށުގައި ގާއިމް ކޮށްފައިވާ ޚިދުމަތްތަކުގެ ފެންވަރު ރަނގަޅުވެ 12000 މީހުންނަށް އެއްގަމު މަގުން ޚިދުމަތްތައް ފަސޭހަކަމާއެކު ލިބުމާއެކު ރައްޔިތުންނަށް އެތައް ގޮތަކުން ޚަރަދު ކުޑަވެގެން ދާނެކަމަށް އެ ޤަރާރުގައިވެއެވެ.
މީގެ އިތުރުން، އެކަމުގެ ސަބަބުން ޓާޝަރީ ފެންވަރުގެ ހޮސްޕިޓަލެއް ޤާއިމްވެ ސިއްޙީ ޚިދުމަތް އެތައްގުނައެއް މަތިވެގެންދާނެކަން ވަނީ ފާހަގަކޮށްފައެވެ. އަދި ރަށުގައި ތިބެގެން ތަޢުލީމް ޙާސިލްކުރުމުގެ ފުރުސަތު ލިބުމާއެކު އިގުތިސާދީ ގޮތުން ބޮޑެތި ބަދަލުތަކެއް އަންނާނެ ކަމަށް ވެސް ނިލަންދޫ ކައުންސިލްގެ 5 މެމްބަރުންގެ އިއްތިފާގުން ފާސްކޮށްފައިވާ އެ ގަރާރުގައިވެއެވެ.
މިފަދަ ގަރާރެއް ގއ. ދާންދޫ ކައުންސިލުންވެސް އިއްޔެ ވަނީ ފާސްކޮށްފައެވެ. އެ ގަރާރުގައި ގޮވާލާފައިވަނީ ދާންދޫ އާއި ނިލަންދޫ ބުރިޖަކުން ގުޅާލުމަށެވެ.
މިފަދަ ގަރާރެއް ގއ. ދާންދޫ ކައުންސިލުންވެސް އިއްޔެ ވަނީ ފާސްކޮށްފައެވެ. އެ ގަރާރުގައި ގޮވާލާފައިވަނީ ދާންދޫ އާއި ނިލަންދޫ ބުރިޖަކުން ގުޅާލުމަށެވެ.
ކިޔުންތެރިންގެ ހިޔާލު