ބޮލަށް ވެއްޓޭވަރުވެފައިވާ ކަމަށް ބުނާ އަރަބިއްޔާ ސްކޫލް ހިންގާ އިމާރާތް، އަންނަ ސްކޫލް ޗުއްޓީގައި މަރާމާތު ކުރަން ފަށާނެ ކަމަށް އެޑިއުކޭޝަން މިނިސްޓަރ ޑރ. ޢާއިޝަތު ޢަލީ ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މިނިސްޓަރ ޢާއިޝަތު ޢަލީ ވިދާޅުވީ އަރަބިއްޔާ ސްކޫލުގެ ހާލަތާއިމެދު ކަންބޮޑުވެ ވަޑައިގަންނަވާ ކަމަށާއި، އިމާރާތުގެ މަރާމާތުތައް ކުރިއަށް އޮތް ޗުއްޓީގައި ފަށްޓަވާނެ ކަމަށެވެ. ނަމަވެސް 2013 ގައި ކިޔަވައިދޭންފެށި އެޢިމާރާތް ދަރިވަރުންނަށް ގެއްލުމެއް ލިބޭފަދަ ޙާލަތަކަށް ނުދާކަމަށް މިނިސްޓަރ ވިދާޅުވިއެވެ.
ޢަރަބިއްޔާ ސްކޫލްގެ ޢިމާރާތް ވަރަށްބޮޑަށް ހަލާކުވެފައިވާތީ އެޑިއުކޭޝަން މިނިސްޓްރީން މީގެ ކުރިން ބުނީ، އަރަބިއްޔާ ސްކޫލު އިމާރާތުގެ މައްސަލަ އެ މިނިސްޓްރީން ވަރަށް ގާތުން ބަލަމުންދާ ކަމަށެވެ. އަދި ދަރިވަރުންނަށް އެޢިމާރާތުގައި ކިޔަވައި ނުދެވޭ ހާލަތަށް ގޮސްފިނަމަ އެހެން ގޮތަކުން އެކަމަށް ހައްލެއް ހޯއްދަވައި ދެއްވާނެ ކަމަށް މިނިސްޓަރ މިއަދު ވިދާޅުވިއެވެ.
އަދި އެޑިއުކޭޝަން މިނިސްޓްރީއާއި ޕްލޭނިންގް މިނިސްޓްރީ ގުޅިގެން އެ އިމާރާތުގެ ވިޝުއަލް އިންސްޕެކްޝަނެއް ހަދާފައިވާ ކަމަށާއި، އެ ޢިމާރާތުގެ ސްޓްރަކްޗުރަލް އެސެސްމަންޓެއް ހެދުމުގެ މަސައްކަތްވެސް ފެށުމަށް ތައްޔާރުވެފައިވާ ކަމަށް މިނިސްޓްރީން ވަނީ ބުނެފައެވެ.
އަދި އެޑިއުކޭޝަން މިނިސްޓްރީއާއި ޕްލޭނިންގް މިނިސްޓްރީ ގުޅިގެން އެ އިމާރާތުގެ ވިޝުއަލް އިންސްޕެކްޝަނެއް ހަދާފައިވާ ކަމަށާއި، އެ ޢިމާރާތުގެ ސްޓްރަކްޗުރަލް އެސެސްމަންޓެއް ހެދުމުގެ މަސައްކަތްވެސް ފެށުމަށް ތައްޔާރުވެފައިވާ ކަމަށް މިނިސްޓްރީން ވަނީ ބުނެފައެވެ.
ކިޔުންތެރިންގެ ހިޔާލު