ޖަރުމަންވިލާތުގެ އައު ޗާންސެލަރ އޯލާފް ޝޮލްޒްސް އަށް ޖުމްހޫރީ ޕާޓީގެ ލީޑަރ އޮނަރަބަލް ޤާސިމް އިބްރާހިމް ތަހުނިޔާ ފޮނުއްވައިފިއެވެ.

ޖަރުމަންވިލާތުގެ ޤާނޫނު ހަދާ މަޖިލީހުގައި ނެގި ވޯޓުގައި ބޮޑު އަޣުލަބިއްޔަތަކުން ޗާންސެލަރުގެ މަޤާމަށް އިންތިޚާބުވި އޯލާފަށް ތަހުނިޔާ ފޮނުއްވައި ޤާސިމް އިބްރާހިމް ފޮނުއްވި މެސެޖުގައި ވަނީ ރާއްޖެއާއި ޖަރުމަންވިލާތާއި ދެމެދު ފާއިތުވީ ދުވަސްތަކުގައި އޮތީ ގާތް ބަދަހި ގުޅުމެއް ކަމަށް ވިދާޅުވެފައެވެ.

އެގޮތުން ޑިމޮކްރެސީ ނެގެހެއްޓުމާއި ޤާނޫނީ ވެރިކަން ދެމެހެއްޓުމުގެ އިތުރުން އިންސާނީ ޙައްޤުތައް ޙިމާޔަތްކުރުމުގައި ދެޤައުމުގެ ދެމެދުގައި ހަރުދަނާ ގުޅުމެއް އުފެދިފައި އޮތްކަން ޤާސިމް ފާހަގަކުރެއްވިއެވެ. ހަމައެއާއެކު އޯލާފްގެ ލީޑަރޝިޕްގައި އެ ގުޅުން އިތުރަށް ބަދަހިވެގެން ދާނެ ކަމަށް އުންމީދު ކުރަށްވާކަމަށް ޤާސިމް ވަނީ ވިދާޅުވެފައެވެ.

Warm congratulations to his excellency @OlafScholz on being sworn in as the new Chancellor of Germany. Maldives-Germany held good relations in the past in upholding democracy, rule of law and human rights. I wish under your leadership will reach new heights. 🇩🇪🇲🇻 @GermanAmbCol pic.twitter.com/YPVMfWV8s2

— Qasim Ibrahim (@qasimibrahim) December 10, 2021

ޖަރުމަނުގެ ޗާންސެލަރުގެ މަޤާމުގެ ހުވާ އޯލާފް ޝޮލްޒްސް ކުރަށްވާފައިވާއިރު އޭނާ މީގެ ކުރިން ހުންނެވީ 16 އަހަރުވަންދެން ޖަރުމަނުގެ ޗާންސެލަރުކަން ކުރެއްވި އެންޖެލާ މާކެލްގެ ނައިބުގެ މަޤާމުގައެވެ.

މާކެލްގެ ސަރުކާރުގައި މާލީ ވަޒީރުކަންވެސް ކުރެއްވި ޝޮލްޒްސަކީ ތިމާވެއްޓާ ރައްޓެހި ސިޔާސަތުތަކެއް ތަންފީޒުކުރެއްވުމަށް ބޭނުންފުޅުވާ ބޭފުޅެކެވެ. ޝޮލްޒްއަކީ ދުނިޔޭގެ ދެވަނަ ބޮޑު ހަނގުރާމައަށް ފަހު ޖަރުމަނުގައި އިންތިޚާބުވެ ވަޑައިގެންނެވި 9 ވަނަ ޗާންސެލަރެވެ.