ޚަބަރު

Share

ވިލިނގިލީ ކުރީގެ މެޖިސްޓްރޭޓްގެ މައްސަލަ އޭސީސީއަށް

އަހުމަދު ޝާހް   16 ޑިސެމްބަރު 2021 - 16:10
ވިލިނގިލީ މެޖިސްޓްރޭޓް ކޯޓުގެ ކުރީގެ މެޖިސްޓްރޭޓް އަހުމަދު ޝުކޫރު
ވިލިނގިލީ މެޖިސްޓްރޭޓް ކޯޓުގެ ކުރީގެ މެޖިސްޓްރޭޓް އަހުމަދު ޝުކޫރު
ގއ. ވިލިނގިލީ ކޯޓުގެ ކުރީގެ މެޖިސްޓްރޭޓްގެ މައްސަލަ އޭސީސީއަށް ހުށައަޅައިފި އެވެ.

ޖުޑީޝަލް ސަރވިސް ކޮމިޝަން (ޖޭއެސްސީ) އިން ބުނީ ވިލިނގިލީ މެޖިސްޓްރޭޓް ކޯޓުން ގާނޫނާ ހިލާފަށް "ވިމަސް މޯލްޑިވްސް ޕްރައިވެޓް ލިމިޓެޑަށް" ދޫކުރަން ނިންމި ފައިސާގެ މައްސަލައާ ގުޅިގެން އެ މައްސަލަ ބަލާފައިވާ ކަމަށެވެ.

އެގޮތުން ވިލިނގިލީ މެޖިސްޓްރޭޓް ކޯޓުން ވިމަސް މޯލްޑިވްސް ޕްރައިވެޓް ލިމިޓެޑަށް ގާނޫނާ ހިލާފަށް ފައިސާތަކެއް ދޫކުރިކަމަށް ބުނާ މައްސަލައެއް 2020 ވަނަ އަހަރުގެ އޮކްޓޯބަރު މަހު ކޮމިޝަނަށް ހުށަހެޅުމުން، އެމައްސަލަ ކޮމިޝަނުން ވަނީ ދިރާސާ ކޮށްފައި ކަމަށް ބަޔާނުގައިވެއެވެ.

ކޮމިޝަނުން ކުރި ދިރާސާއަށް ފާހަގަވެފައި ވަނީ އެކަމަކީ ވިލިނގިލީ މެޖިސްޓްރޭޓް ކޯޓުގެ ކުރީގެ މެޖިސްޓްރޭޓް އަހުމަދު ޝުކޫރު، ފަނޑިޔާރުކަމުގެ ހައިސިއްޔަތު ނަހަމަ ގޮތުގައި ބޭނުންކޮށްގެން ކަނޑައެޅިގެން ފާޅުކަން ބޮޑު ގޮތުގައި ފަރުވާލެއް ނެތި ގާނޫނާ ހިލާފަށް ހިންގާފައިވާ ކަމެއް ކަމަށް ކޮމިޝަނުން ވަނީ ބުނެފައެވެ.

އަދި އަހުމަދު ޝުކޫރު ހިންގާފައިވާ ގާނޫނާ ހިލާފު މި ކަންތައް ކޮމިޝަނަށް ފާހަގަވެފައި ވަނީ، ކޮމިޝަނުން ދިރާސާކުރި އެހެން ސުލޫކީ މައްސަލަތަކެއް އޭނާއާމެދު ސާބިތުވެ މަގާމުން ވަކިކުރަން ރައްޔިތުންގެ މަޖިލީހަށް ހުށަހެޅުމަށް ކޮމިޝަނުން ނިންމުމާ ގުޅިގެން އަމިއްލައަށް މެޖިސްޓްރޭޓްކަމުގެ މަގާމުން އޭނާ ވަކިވެފައި ވަނިކޮށެވެ.

އެހެންކަމުން ކޮމިޝަނުން މި މައްސަލާގައި ފާހަގަވި ކަންކަން ބަޔާންކޮށް އެކަންކަން ބަލައި ފިޔަވަޅު އަޅައިދިނުމަށް އެދި އެންޓި ކޮރަޕްޝަން ކޮމިޝަނަށް 2021 ވަނަ އަހަރު ޖެނުއަރީމަހު ވަނީ ހުށަހަޅާފައި ކަމަށް ކޮމިޝަނުން ވަނީ ބުނެފައެވެ.

ޖޭއެސްސީ

މި ލިޔުމާ ގުޅޭ

Ad
Ad
Share

ކިޔުންތެރިންގެ ހިޔާލު



Ad

ފަހުގެ ލިޔުންތައް

Ad

ޓްރެންޑިން

Ad
Ad