ނ.މަނަދޫ އިން ފެނުނު ކޯވިޑް-19 ގެ ކޭސްއާއި ގުޅިގެން ނެގި ހުރިހާ ސާމްޕަލެއް ނެގެޓިވްވެފައިވާ ކަމަށް ޓާސްފޯސްގެ ތަރުޖަމާނު މަބުރޫކް އަޒީޒު ވިދާޅުވެއްޖެއެވެ.

ދަރުބާރުގޭގައި މިރޭ ބޭއްވި ނޫސްވެރިންގެ ބައްދަލުވުމުގައި ތަރުޖަމާން މަބްރޫކް އަޒީޒް ވިދާޅުވީ މަނަދޫގައި ފުރަތަމަ ޕޮޒިޓިވްވި ކޭހާ ގުޅިގެން ސާމްޕަލްތަކެއް ނެގިފައިވާކަމަށާއި، އެ ހުރިހާ ސާމްޕަލެއްގެ ނަތީޖާ ނެގެޓިވްކަމަށެވެ.

ތަރުޖަމާން މަބްރޫކް އަޒީޒް ވިދާޅުވީ މަނަދޫގައި ފުރަތަމަ ޕޮޒިޓިވް ކޭހާ ގުޅިގެން އެކްޓިވް ސަރވައިލަންސްގެ ގޮތުގައި 30 ސާމްޕަލް، ރީ ސާމްޕަލިންގްއަށް އެއް ސާމްޕަލް އަދި ޑައިރެކްޓް ކޮންޓެކްޓްސްގެ ގޮތުގައި 55 ސާމްޕަލެއް ނެގިފައިވާކަމަށެވެ. އެ ހުރިހާ ސާމްޕަލް އެއްގެ ނަތީޖާ ނެގެޓިވްކަމަށް މަބްރޫކް ވިދާޅުވި އެވެ. މަނަދޫއިން ވަނީ ޖުމްލަ 9 މީހަކު ކޮވިޑް-19 އަށް ޕޮޒިޓިވް ވެފައެވެ. ، އެ މީހުންނަކީ އެ ރަށުން އެންމެ ފުރަތަމަ ޕޮޒިޓިވްވި އަންހެން މީހާއާއި ކޮންޓެކްޓްވި 34 މީހުންގެ ތެރޭގައި ހިމެނޭ މީހުންނެވެ.