ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ އޭޕްރޮންގައި މިއަދު އެކްސިޑެންޓެއް ހިނގައިފިއެވެ.
މަޢުލޫމާތު ލިބިފައިވާ ގޮތުގައި މި އެކްސިޑެންޓް ހިނގާފައިވަނީ އެއާޕޯޓްގެ މުވައްޒަފުން އުފުލުމަށް ބޭނުންކުރާ ވެހިކަލެއް އެ ސަރަހައްދުގައި ހުރި ހޮޅިދަނޑިއެއްގައި ޖެހުމުގެ ސަބަބުންނެވެ. މި އެކްސިޑެންޓްގައި ތިން މުވައްޒަފަކަށް ވަނީ އަނިޔާވެފައެވެ. ނަމަވެސް ލިބިފައިވާ އަނިޔާގެ ތަފްސީލް ލިބިފައެއް ނުވެއެވެ.
މީސްމީޑިއާގައި ދައުރުވަމުންދާ އެކްސިޑެންޓުގެ ފޮޓޯތަކުން ފެންނަ ގޮތުގައި އެކްސިޑެންޓުގައި ވެހިކަލަށް ވަނީ ބޮޑެތި ގެއްލުންތަކެއް ލިބިފައެވެ.
ފުލުހުން ބުނީ އެއާޕޯޓުގެ އިންޓަނޭޝަނަލް ޓާމިނަލް ކައިރީ ރޭމްޕް ވެހިކަލެއް ދަގަނޑެއްގައި ޖެހި އެކްސިޑެންޓްވެފައިވާ ކަމުގެ މައުލޫމާތު މިއަދު މެންދުރު 12:00 ޖަހާކަށްހާއިރު ލިބިފައިވާ ކަމަށެވެ. އަދި އަނިޔާވި ތިން މީހަކަށް އެއާޕޯޓުގެ މެޑިކަލް ޕޮއިންޓުގައި ފަރުވާ ދިނުމަށްފަހު މިހާރު އޭޑީކޭއަށް ގެންގޮސްފައިވާކަމަށް ފުލުހުން މަޢުލޫމާތުދެއެވެ.
ވީއައިއޭގައި މިހާރު ހިދުމަތް ދެމުންދަނީ އުތުރު އެޕްރޮންއާއި އިރުމަތި އަދި ހުޅަނގު އޭޕްރޮނުންނެވެ.
މީސްމީޑިއާގައި ދައުރުވަމުންދާ އެކްސިޑެންޓުގެ ފޮޓޯތަކުން ފެންނަ ގޮތުގައި އެކްސިޑެންޓުގައި ވެހިކަލަށް ވަނީ ބޮޑެތި ގެއްލުންތަކެއް ލިބިފައެވެ.
ވީއައިއޭގައި މިހާރު ހިދުމަތް ދެމުންދަނީ އުތުރު އެޕްރޮންއާއި އިރުމަތި އަދި ހުޅަނގު އޭޕްރޮނުންނެވެ.
ކިޔުންތެރިންގެ ހިޔާލު