މުއްދަތު ހަމަވެފައިވާ އައިޑީކާޑު އަންނަ ޖުލައި މަހުގެ ނިޔަލަށް ބޭނުން ކުރެވޭނެ ކަމަށް ޑިޕާޓްމަންޓް އޮފް ނެޝަނަލް ރެޖިސްޓްރޭޝަން ޑީއެންއާރުން ބުނެފި އެވެ.
ޑީއެންއާރުން މިއަދު ނެރެފައިވާ އިޢޫލާނެއްގައި ބުނެފައިވަނީ ކޮވިޑް-19ގެ ބަލި ފެތުރުން އިތުރުވަމުންދާތީ ގިނަ ބަޔަކު ވަދެ ނިކުމެ އުޅޭ ތަންތަނަކީ ބައްޔަށް ހުށަހެޅުމުގެ ފުރުސަތު ބޮޑުވެދާނެ ތަންތަންކަމަށެވެ. އެހެންކަމުން މުއްދަތު ހަމަވެފައިވާ އައިޑީކާޑު ބޭނުން ކުރެވޭނެ މުއްދަތު މި އަންނަ ޖުލައި މަހުގެ ނިޔަލަށް އިތުރުކޮށްފައިވާ ކަމަށް ޑިޕާޓްމަންޓް އޮފް ނެޝަނަލް ރެޖިސްޓްރޭޝަނުން ވަނީ ބުނެފައެވެ.
އެހެންނަމަވެސް ގްރޭޓާ މާލޭ ސަރަހައްދުގައި ދިރިއުޅޭ ފަރާތްތަކަށް މިހާރެކޭ އެއްގޮތަށް ވެބް ޕޯޓަލް މެދުވެރި ކޮށްގެން ޚިދުމަތަށް ހުށައެޅޭނެ ކަމަށާއި އަތޮޅުތެރޭގައި ކައުންސިލް އިދާރާތައް މެދުވެރިކޮށް ކާޑު ހެދުމަށް ހުށަހެޅޭނެ ކަމަށް ޑީއެންއާރުން ވަނީ ބުނެފައެވެ.
މުއްދަތު ހަމަވެފައިވާ ޑޮކިއުމެންޓް ބޭނުން ކޮށްގެން ދަތުރު ކުރެވޭ ގޮތައް ފުރަތަމަ ހަމަޖެއްސީ 2020 ވަނަ އަހަރުގެ ޑިސެމްބަރ 31 ގެ ނިޔަލަށެވެ. އަދި ފަހުން ވަނީ މުއްދަތު ހަމަވެފައިވާ ލިއުންތަކަށް އަމަލު ނުކުރުމަށް ނިންމާފައެވެ.
މުއްދަތު ހަމަވެފައިވާ ޑޮކިއުމެންޓް ބޭނުން ކޮށްގެން ދަތުރު ކުރެވޭ ގޮތައް ފުރަތަމަ ހަމަޖެއްސީ 2020 ވަނަ އަހަރުގެ ޑިސެމްބަރ 31 ގެ ނިޔަލަށެވެ. އަދި ފަހުން ވަނީ މުއްދަތު ހަމަވެފައިވާ ލިއުންތަކަށް އަމަލު ނުކުރުމަށް ނިންމާފައެވެ.
ކިޔުންތެރިންގެ ހިޔާލު