އިތުރު 86 މީހުންނާއި އެކު، އައްޑޫ ސިޓީން ޕޮޒިޓިވްވި މީހުންގެ ޖުމުލަ އަދަދު 798 އަށް އަރައިފިއެވެ.

އައްޑޫ އެމަރޖެންސީ އޮޕަރޭޝަން ސެންޓަރުން ބުނީ އިއްޔެ އިރުއޮއްސި 18:00ގެ ނިޔަލަށް އައްޑޫ ސިޓީން ނަގާފައިވާ ސާމްޕަލްތަކުގެ ތެރެއިން 86 މީހުން ކޯވިޑަށް ޕޮޒިޓިވް ވެފައިވާ ކަމަށެވެ. އެހެންކަމުން މިވަގުތު އައްޑޫސިޓީގައި ކޯވިޑަށް ޕޮޒިޓިވް މީހުންގެ ގޮތުގައި ރެކޯޑް ކުރެވިފައިވަނީ ޖުމުލަ 798 މީހުންނެވެ.

އައްޑޫ ސިޓީގައި އެންމެ ގިނަބަޔަކު ކޮވިޑަށް ފައްސިވެފައިވާ ކަމަށް ދައްކަނީ ހިތަދޫންނެވެ. އެ އަވަށުން އެކަނި 372 މީހަކު ކޮވިޑަށް ފައްސިވެފައިވާ ކަމަށް ދައްކައެވެ. މީގެ އިތުރުން، ފޭދޫން 138 މީހަކާއި، ހުޅުދޫ 66 މީހަކާއި، މީދޫން 87 މީހެއްގެ އިތުރުން، މަރަދޫފޭދޫ 46 މީހަކާއި މަރަދޫ 71 މީހެއްގެ އިތުރުން ރިސޯޓަކުން 13 މީހުން ފައްސިވެފައި ވެއެވެ.

Addu City Covid-19 case status as of 29th January 2022 18:00 Hrs.#StayHome #StaySafe#WearMask pic.twitter.com/UwEgE4OkqY

— Addu Emergency Operations Center (@EOCaddu) January 30, 2022

އައްޑޫ ސިޓީގައި އެޑްމިޓް ކޮށްގެން ފަރުވާ ދެމުން ދަނީ ދެ މީހަކަށެވެ. މިހާތަނަށް އައްޑޫ ސިޓީއިން މި ބަލީގައި 15 މީހަކު ނިޔާވެފައިވެއެވެ.