އިތުރު 92 މީހުންނާއި އެކު، އައްޑޫ ސިޓީން ކޮވިޑަށް ޕޮޒިޓިވްވި މީހުންގެ ޖުމުލަ އަދަދު 843 އަށް އަރައިފިއެވެ.

އައްޑޫ އެމަރޖެންސީ އޮޕަރޭޝަން ސެންޓަރުން ބުނީ އިއްޔެ އިރުއޮއްސި 18:00ގެ ނިޔަލަށް އައްޑޫ ސިޓީން ނަގާފައިވާ ސާމްޕަލްތަކުގެ ތެރެއިން 92 މީހުން ކޯވިޑަށް ޕޮޒިޓިވް ވެފައިވާ ކަމަށެވެ. އެހެންކަމުން މިވަގުތު އައްޑޫސިޓީގައި ކޯވިޑަށް ޕޮޒިޓިވް މީހުންގެ ގޮތުގައި ރެކޯޑް ކުރެވިފައިވަނީ ޖުމުލަ 843 މީހުންނެވެ.

އައްޑޫ ސިޓީގައި އެންމެ ގިނަބަޔަކު ކޮވިޑަށް ފައްސިވެފައިވާ ކަމަށް ދައްކަނީ ހިތަދޫންނެވެ. އެ އަވަށުން އެކަނި 381 މީހަކު ކޮވިޑަށް ފައްސިވެފައިވާ ކަމަށް ދައްކައެވެ. މީގެ އިތުރުން، ފޭދޫން 143 މީހަކާއި، ހުޅުދޫ 68 މީހަކާއި، މީދޫން 89 މީހެއްގެ އިތުރުން، މަރަދޫފޭދޫ 61 މީހަކާއި މަރަދޫ 87 މީހެއްގެ އިތުރުން ރިސޯޓްތަކުން 9 މީހުން ބައްޔަށް ފައްސިވެފައި ވެއެވެ.

Addu City Covid-19 case status as of 31th January 2022 18:00 Hrs.#StayHome #StaySafe#WearMask pic.twitter.com/AdOK6isMjQ

— Addu Emergency Operations Center (@EOCaddu) February 1, 2022

އައްޑޫ ސިޓީގައި އެޑްމިޓް ކޮށްގެން ފަރުވާ ދެމުން ދަނީ ދެ މީހަކަށެވެ. މިހާތަނަށް އައްޑޫ ސިޓީއިން މި ބަލީގައި 15 މީހަކު ނިޔާވެފައިވެއެވެ.