ފުލުހުންގެ އިހުމާލުގެ ސަބަބުން ޑްރަގްގެ ބޮޑު މައްސަލައަކުން މީހަކު ސަލާމަތްވެއްޖެއެވެ.
ކްރިމިނަލް ކޯޓުން އިއްޔެ ވަނީ މަސްތުވާއެއްޗެއް އެތެރެ ކުރުމުގެ ދައުވާ ދަޢުލަތުން އުފުލާފައިވާ ދިވެހި އަންހެނެއްގެ މައްޗަށް ކުށްސާބިތުނުވާކަމަށް ޙުކުމް ކޮށްފައެވެ. އެ ދައުވާއަކީ 2016 ވަނަ އަހަރުގެ މެއި މަހުގެ ތިން ވަނަ ދުވަހު، ޔޫއެލް 115 ފްލައިޓުން ރާއްޖެ އައި ދިވެހި އަންހެނެއްގެ ލަގެޖުން ފަސް ކިލޯ އަށް ވުރެ ގިނަ މަސްތުވާތަކެތި ފެނިގެން ކޮށްފައިވާ ދައުވާ އެކެވެ.
މަސްތުވާތަކެތި ފެނިފައިވަނީ ސ. ހުޅުދޫ، ކުރިކީލަގެ، ޝާނިޔާ ރަޝީދުގެ ލަގެޖު ބަލައި ފާސްކުރުމުންނެވެ. އެމައްސަލާގައި ޝާނިޔާ ބުނެފައިވަނީ އެތަކެއްޗަކީ ޝާނިޔާ ލޯބީގެ ގޮތުން ގުޅިގެން އުޅުނު މީހާގެ ކޮއްކޮގެ އެދުމުގެ މަތިން ރާއްޖެ ގެނައި މަސްތުވާތަކެތިކަމަށެވެ. އަދި އެދަތުރަކީވެސް މަސްތުވާތަކެތި ކެރީކުރުމަށް ހާއްސަކޮށްގެން ކުރި ދަތުރެއްކަމަށް ޝާނިޔާ ވަނީ ބުނެފައެވެ.
ދައުލަތުން ވަނީ ހަތަރު ފުލުހަކު ހެކިވެރިންގެ ގޮތުގައި ޝާނިޔާއާ ދެކޮޅަށް ހުށަހަޅައިފައެވެ. ނަމަވެސް ކޯޓަށް ހާޒިރުވެ ހެކިބަސް ދީފައިވަނީ އެންމެ ފުލުހެކެވެ.
އެ މައްސަލައިގައި ކްރިމިނަލް ކޯޓުން ކުރި ހުކުމުގައި ބުނެފައިވަނީ މަސްތުވާތަކެތީގެ ތަހުލީލު ރިޕޯޓާއި ޗެއިން އޮފް ކަސްޓަޑީ ފޯމުތަކަށް ބަލާއިރު، އަތުލައިގަތް މަސްތުވާތަކެތި ތަހުލީލުކުރި ލެބޯޓަރީއާ ހަމައަށް ގެންދިޔައީ ކާކުކަން އެނގެން ނެތް ކަމަށެވެ. އޭގެ އިތުރުންވެސް މަސްތުވާތަކެއްޗާ ހަވާލުވާން ދާ މީހަކު ހޯދަން ދައުވާ ލިބޭ މީހާ ބައިވެރިކޮށްގެން ހިންގި ކޮންޓްރޯލް ޑެލިވަރީ އޮޕަރޭޝަންގައިވެސް ފުލުހުން ގޯސްތަކެއް ހަދާފައިވާކަން ޙުކުމުގައި ފާހަގަކޮށްފައިވެއެވެ.
ފުލުހުން ލެބޯރެޓަރީން ތަހުލީލުކުރި މަސްތުވާތަކެއްޗަކީ ދައުވާ ލިބޭ މީހާގެ ލަގެޖުން ފެނުނު ތަކެތިކަން ސާބިތު ކުރުމަށް ހެކި ހުށަހެޅުމަކީ ދައުލަތުން ކުރަންޖެހޭ ކަމަކަށް ވާއިރު، މައްސަލަ ނިންމުމާ ހަމައަށް ވެސް އެކަން ސާބިތު ކުރެވޭނެ ލިޔުމެއް ދައުލަތުން ހުށަހަޅާފައި ނުވާ ކަމަށް ޙުކުމުގައިވެއެވެ.
އެހެންކަމުން މައްސަލަބެއްލެވި ގާޒީ ހުސައިން ފާއިޒް ރަޝާދު އިއްވެވި ޙުކުމުގައިވަނީ އެ އަންހެންމީހާގެ މައްޗަށް މަސްތުވާތަކެތި އެތެރެކުރުމުގެ ދައުވާ އެކަށީގެންވާ ޝައްކެއް ނެތް މިންވަރަށް ސާބިތުނުވާ ކަމަށެވެ.
މަސްތުވާތަކެތި ފެނިފައިވަނީ ސ. ހުޅުދޫ، ކުރިކީލަގެ، ޝާނިޔާ ރަޝީދުގެ ލަގެޖު ބަލައި ފާސްކުރުމުންނެވެ. އެމައްސަލާގައި ޝާނިޔާ ބުނެފައިވަނީ އެތަކެއްޗަކީ ޝާނިޔާ ލޯބީގެ ގޮތުން ގުޅިގެން އުޅުނު މީހާގެ ކޮއްކޮގެ އެދުމުގެ މަތިން ރާއްޖެ ގެނައި މަސްތުވާތަކެތިކަމަށެވެ. އަދި އެދަތުރަކީވެސް މަސްތުވާތަކެތި ކެރީކުރުމަށް ހާއްސަކޮށްގެން ކުރި ދަތުރެއްކަމަށް ޝާނިޔާ ވަނީ ބުނެފައެވެ.
ދައުލަތުން ވަނީ ހަތަރު ފުލުހަކު ހެކިވެރިންގެ ގޮތުގައި ޝާނިޔާއާ ދެކޮޅަށް ހުށަހަޅައިފައެވެ. ނަމަވެސް ކޯޓަށް ހާޒިރުވެ ހެކިބަސް ދީފައިވަނީ އެންމެ ފުލުހެކެވެ.
އެ މައްސަލައިގައި ކްރިމިނަލް ކޯޓުން ކުރި ހުކުމުގައި ބުނެފައިވަނީ މަސްތުވާތަކެތީގެ ތަހުލީލު ރިޕޯޓާއި ޗެއިން އޮފް ކަސްޓަޑީ ފޯމުތަކަށް ބަލާއިރު، އަތުލައިގަތް މަސްތުވާތަކެތި ތަހުލީލުކުރި ލެބޯޓަރީއާ ހަމައަށް ގެންދިޔައީ ކާކުކަން އެނގެން ނެތް ކަމަށެވެ. އޭގެ އިތުރުންވެސް މަސްތުވާތަކެއްޗާ ހަވާލުވާން ދާ މީހަކު ހޯދަން ދައުވާ ލިބޭ މީހާ ބައިވެރިކޮށްގެން ހިންގި ކޮންޓްރޯލް ޑެލިވަރީ އޮޕަރޭޝަންގައިވެސް ފުލުހުން ގޯސްތަކެއް ހަދާފައިވާކަން ޙުކުމުގައި ފާހަގަކޮށްފައިވެއެވެ.
އެހެންކަމުން މައްސަލަބެއްލެވި ގާޒީ ހުސައިން ފާއިޒް ރަޝާދު އިއްވެވި ޙުކުމުގައިވަނީ އެ އަންހެންމީހާގެ މައްޗަށް މަސްތުވާތަކެތި އެތެރެކުރުމުގެ ދައުވާ އެކަށީގެންވާ ޝައްކެއް ނެތް މިންވަރަށް ސާބިތުނުވާ ކަމަށެވެ.
ކިޔުންތެރިންގެ ހިޔާލު