އިންފޮމޭޝަން ކޮމިޝަނަރ އައިކޮމްގެ ނިންމުންތައް ހައިކޯޓުގައި އިސްތިއުނާފް ކުރެވޭނެކަމަށް ސުޕްރީމް ކޯޓުން މިއަދު ކަނޑައަޅައިފިއެވެ.
މައުލޫމާތު ހޯދައި ލިބިގަތުމުގެ ހައްގުގެ ގާނޫނުގައި އިންފޮމޭޝަން ކޮމިޝަނަރު ނިންމަވާ ނިންމުންތައް ހައި ކޯޓުގައި އިސްތިއުނާފު ކުރެވޭނެ ކަމަށް ކަނޑައަޅާފައިވެއެވެ. ނަމަވެސް އިންފޮމޭޝަން ކޮމިޝަނަރަކީ މުއައްސަސާއެއް ނޫން ކަމަށާއި އެހެންކަމުން ކޮމިޝަނަރު ނިންމަވާ މައްސަލަތައް އިސްތިއުނާފު ކުރުމުގެ އިހްތިސާސް ހައި ކޯޓަށް ލިބިގެން ނުވާ ކަމަށް 21 މާޗް 2021 ގައި ހައިކޯޓުން ވަނީ ކަނޑައަޅާފައެވެ.
ހައިކޯޓުން އެގޮތަށް ނިންމަވާފައިވަނީ އެމްޑަބްލިއުއެސްސީގެ އޮޑިޓް ރިޕޯޓެއް ހޯދަން އަމިއްލަ ފަރާތަކުން އިންފޮމޭޝަން ކޮމިޝަނަރުގެ އޮފީހަށް ހުށަހެޅި މައްސަލައިގައި ކޮމިޝަނަރު ނިންމެވި ގޮތް އެމްޑަބްލިއުއެސްސީން ހައި ކޯޓުގައި އިސްތިއުނާފު ކުރުމުންނެވެ. ހައިކޯޓުގެ ނިންމުން އެޓަރނީ ޖެނެރަލްގެ ފަރާތުން ސުޕްރީމް ކޯޓުގައި އިސްތިއުނާފް ކުރުމުން އެކޯޓުން މިއަދު ނިންމަވާފައިވަނީ ހައިކޯޓުގެ ނިންމުން ގޯސްކަމަށެވެ. އަދި އިންފޮމޭޝަން ކޮމިޝަނަރގެ ނިންމުންތައް ބެލުމުގެ އިޚްތިޞާޞް ހައިކޯޓަށް ލިބިގެންވާ ކަމަށް ސުޕްރީމް ކޯޓުން ވަނީ ކަނޑައަޅާފައެވެ.
ހަމައެއާއެކު ކޯޓުތަކުގެ ޤާނޫނުގައި ނެތްނަމަވެސް ވަކި ގާނޫނެއްގައި ހައިކޯޓަށް ވަކި ބާރެއްދީ, ވަކި އިޖުރާއަތެއްގެ ދަށުން މައްސަލަތަކެއް ބަލަން ހަވާލުކޮށްފިނަމަ އެކަމެއް އެ ކޯޓުގެ އިހުތިޞާސްގެ ތެރޭގައި ހިމެނޭނެކަން ސުޕްރީމް ކޯޓުން ފާހަގަކޮށްފައިވެއެވެ. އަދި އެކަމަކީ ކޯޓުތަކުގެ ގާނޫނުގެ އެއްވެސް މާއްދާއަކުން ހުރަސްއަޅާކަމެއް ނޫންކަން ވެސް ފާހަގަކުރި އެވެ.
އޭގެއިތުރުން ޓްރައިބިއުނަލަކީ ޝަރުއީ ކޯޓުތައް ފިޔަވައި, ދެ މީހެއްގެ ދެމެދުގައި އުފެދޭ ހިޔާލު ތަފާތުވުންތަކަށް ބަލައި, އެކަމުގައި ގޮތް ނިންމާ ކޮންމެ މުއައްސަސާއެއްކަން ގާނޫނުއަސާސީން އެނގެން އެބަ އޮތް ކަމާއި އެކަމުގެ ތެރެއަށް އިންފޮމޭޝަން ކޮމިޝަނަރުގެ އޮފީސް ވަންނަ ކަމަށް ސުޕްރީމް ކޯޓުގެ ހުކުމްގައި މިއަދު ކަނޑައަޅާފައިވެއެވެ.
ސުޕްރީމް ކޯޓުން މިއަދު ނިންމެވީ އިންފޮމޭޝަން ކޮމިޝަނަރުގެ ނިންމުންތައް ހައި ކޯޓުން ބަލައިނުގަތުމުގެ ނަތީޖާއަކަށް ވެގެންދާނީ، ކޮމިޝަނަރުގެ ނިންމުންތައް ނިހާއީވެ، އެ ނިންމުންތަކާ މެދު ހިތްހަމަނުޖެހޭ ފަރާތްތަކަށް ޝަރުއީ ކޯޓަކުން އެކަމަށް ފަރުވާއެއް ހޯދުމުގެ މަގު ބަންދުވެގެން ދިއުން ކަމަށެވެ. އެހެންކަމުން ހައި ކޯޓުގެ ނިންމުމަކީ އަސާސީ ހައްގުތަކެއް ހަނިވާ ފަދައަކުން، ނުވަތަ ނިގުޅިގެންދާ ފަދައަކުން ނިންމާފައިވާ ނިންމުމެއް ކަމަށް ބުރަވެވޭ ކަމަށް ސުޕްރީމް ކޯޓުގެ ފަނޑިޔާރު އަޒްމިރަލްދާ ޒާހިރު އިއްވެވި ޙުކުމުގައި ބަޔާންކޮށްފައިވެއެވެ.
ފަނޑިޔާރު އަޒްމިރަލްދާގެ ރަޢުޔަށް ފަނޑިޔާރު މަހާޒު އަލީ ޒާހިރާއި ފަނޑިޔާރު ޑރ. މުހައްމަދު އިބްރާހީމް ވެސް ވަނީ ތާއީދު ކުރަށްވާފައެވެ.
ހައިކޯޓުން އެގޮތަށް ނިންމަވާފައިވަނީ އެމްޑަބްލިއުއެސްސީގެ އޮޑިޓް ރިޕޯޓެއް ހޯދަން އަމިއްލަ ފަރާތަކުން އިންފޮމޭޝަން ކޮމިޝަނަރުގެ އޮފީހަށް ހުށަހެޅި މައްސަލައިގައި ކޮމިޝަނަރު ނިންމެވި ގޮތް އެމްޑަބްލިއުއެސްސީން ހައި ކޯޓުގައި އިސްތިއުނާފު ކުރުމުންނެވެ. ހައިކޯޓުގެ ނިންމުން އެޓަރނީ ޖެނެރަލްގެ ފަރާތުން ސުޕްރީމް ކޯޓުގައި އިސްތިއުނާފް ކުރުމުން އެކޯޓުން މިއަދު ނިންމަވާފައިވަނީ ހައިކޯޓުގެ ނިންމުން ގޯސްކަމަށެވެ. އަދި އިންފޮމޭޝަން ކޮމިޝަނަރގެ ނިންމުންތައް ބެލުމުގެ އިޚްތިޞާޞް ހައިކޯޓަށް ލިބިގެންވާ ކަމަށް ސުޕްރީމް ކޯޓުން ވަނީ ކަނޑައަޅާފައެވެ.
ހަމައެއާއެކު ކޯޓުތަކުގެ ޤާނޫނުގައި ނެތްނަމަވެސް ވަކި ގާނޫނެއްގައި ހައިކޯޓަށް ވަކި ބާރެއްދީ, ވަކި އިޖުރާއަތެއްގެ ދަށުން މައްސަލަތަކެއް ބަލަން ހަވާލުކޮށްފިނަމަ އެކަމެއް އެ ކޯޓުގެ އިހުތިޞާސްގެ ތެރޭގައި ހިމެނޭނެކަން ސުޕްރީމް ކޯޓުން ފާހަގަކޮށްފައިވެއެވެ. އަދި އެކަމަކީ ކޯޓުތަކުގެ ގާނޫނުގެ އެއްވެސް މާއްދާއަކުން ހުރަސްއަޅާކަމެއް ނޫންކަން ވެސް ފާހަގަކުރި އެވެ.
އޭގެއިތުރުން ޓްރައިބިއުނަލަކީ ޝަރުއީ ކޯޓުތައް ފިޔަވައި, ދެ މީހެއްގެ ދެމެދުގައި އުފެދޭ ހިޔާލު ތަފާތުވުންތަކަށް ބަލައި, އެކަމުގައި ގޮތް ނިންމާ ކޮންމެ މުއައްސަސާއެއްކަން ގާނޫނުއަސާސީން އެނގެން އެބަ އޮތް ކަމާއި އެކަމުގެ ތެރެއަށް އިންފޮމޭޝަން ކޮމިޝަނަރުގެ އޮފީސް ވަންނަ ކަމަށް ސުޕްރީމް ކޯޓުގެ ހުކުމްގައި މިއަދު ކަނޑައަޅާފައިވެއެވެ.
ފަނޑިޔާރު އަޒްމިރަލްދާގެ ރަޢުޔަށް ފަނޑިޔާރު މަހާޒު އަލީ ޒާހިރާއި ފަނޑިޔާރު ޑރ. މުހައްމަދު އިބްރާހީމް ވެސް ވަނީ ތާއީދު ކުރަށްވާފައެވެ.
ކިޔުންތެރިންގެ ހިޔާލު