"އެސްޓީއޯ ރަމަޒާން ބާޒާރު 2022" ގެ ތެރެއިން ހޯލްސޭލް ކަސްޓަމަރުންނަށް ހާއްސަކޮށް "އެސްޓީއޯ ހޯލްސޭލް ޕްރޮމޯޝަން" ފަށައިފިއެވެ.

މިއަދުން ފެށިގެން 30 އޭޕްރީލްގެ ނިޔަލަށް އެސްޓީއޯ ހޯލްސޭލް ސެންޓަރުގައި ކުރިއަށް ގެންދާ މި ޕްރޮމޯޝަންގެ ތެރެއިން ނަސީބުވެރި ތިންފަރާތެއް ހޮވައި ކޮންމެ ނަސީބުވެރިޔަކަށް ރަށު ޕިކަޕެއް ލިބޭނެ ކަމަށް އެސްޓީއޯއިން ވަނީ ބުނެފައެވެ. މީގެ އިތުރުން ކޮންމެ ހަފްތާއަކު ތިން ނަސީބުވެރިން ހޮވައި ކޮންމެ ފަރާތަކަށް 1500ރ ގެ ގިފްޓް ވައުޗާރ އެއް ވެސް ލިބޭނެ ކަމަށް އެސްޓީއޯއިން މައުލޫމާތުދެއެވެ.

މި ޕްްރޮމޯޝަން ގައި ކަސްޓަމަރުން ބައްލަވައިގަންނަވާ ކޮންމެ ކްރޫގާ ދެ ކޭހަކަށް ޑާކް ޗޮކްލެޓް ކޭހެއް ހިލޭ ލިބެއެވެ. އަދި އަލްނޫރު ހިކި ކިރު ކޮންމެ 2 ކާރޓަންއަކަށް ޑާރކް ޗޮކްލެޓް ޕާސްތާ ނުސާ 400ގްރާމް 1 ކާރޓަން ހިލޭ ލިބޭނެއެވެ.

އެސްޓީއޯ ހޯލްސޭލް ކަސްޓަމަރުންނަށް ހާއްސަ ކޮށްގެން މި ޕްރޮމޯޝަން ފަށާފައިވާއިރު، ކަސްޓަމަރުންގެ މެދުގައި މަގްބޫލް އެސްޓީއޯ ރަމަޒާން ބަޒާރު، އެކުންފުނީގެ ހޯމް އިމްޕްރޫވްމަންޓް ފިހާރަ އަދި ރީޖަނަލް ފިހާރަ ތަކުގައި 30 އޭޕްރިލް 2022 އާއި ހަމަޔައް ކުރިއަށްދާނެ ކަމަށްވެސް އެސްޓީއޯއިން މައުލޫމާތުދެއެވެ.

އެސްޓީއޯ އިން ބުނީ އެކުންފުނީގެ ސުޕަރމާޓްގައި ރަމަޒާން ބަޒާރު ސޭލް މިހިނގާ މާރޗް މަހު ފެށޭނެ ކަމަށެވެ.