ރައްޔިތުންގެ މަޖިލީހުގެ މިހާރުގެ ކޮންމެ މެންބަރަކަށް ގަނޑުވަރެއްދިނުމަށް ރައްޔިތުންގެ މަޖިލީހުގެ ކުރީގެ ނާއިބު ރައީސް ރީކޯ މޫސަ ގޮވާލައްވައިފިއެވެ.

19 ވަނަ ރައްޔިތުންގެ މަޖިލީހުގެ މެންބަރުންނަށް ފާޑުވިދާޅުވަމުން ރީކޯ މޫސަ ވިދާޅުވީ ބޭސްސިޓީއަށް ސަލާންޖެހުން ހުއްޓުވާ ތަޢުލީމް ހިލޭކޮށްދީ ހުރިހާ ޚިދުމަތެއް ފަހިކުރީ ރީކޯ މޫސަމެން މަޖިލީހުގައި ތިއްބަވައިގެން ކަމަށެވެ. އަދި އެއީ މަޖިލީހުގައި ބުރަމަސައްކަތްކޮށްގެން ކުރީގެ މަޖިލީސްތަކުގައި ތިއްބެވި އެމްޑީޕީގެ މެންބަރުން ކުރެއްވި މަސައްކަތް ކަމަށް މޫސަ ވިދާޅުވިއެވެ.

މިއަދު މަޖިލީހުގައި ތިއްބެވި ބޭފުޅުން އެޙައްޤުތައް ހޯދައިދިންކަމަށް ދަޢުވާ ކުރުމަށްފަހު މަސައްކަތް ކުރަމުން ދަނީ ޙައްޤުތައް އުނިކުރުމަށް ކަމަށް މޫސަ ވިދާޅުވިއެވެ.

"އެޖެންޑާ19 ތަފާތުވާނެ. މިހާރުގެ ކޮންމެ މެމްބަރަކަށް ގަނޑުވަރެއްދީ." މިހާރުގެ މެންބަރުންނަށް މަލާމާތް ކުރަށްވަމުން ރީކޯ މޫސަ ވިދާޅުވެފައިވެއެވެ.

ބޭސްސިޓީއަށްސަލާންޖެހުން ހުއްޓުވާ ތައްލީމްހިލޭކޮށްދީ ހުރިހާ ޚިދުމަތެއް ފަހިކުރީ އަޅުގަނޑުމެން މަޖްލިސްތެރޭން،

ޙައްގުހޯދަން އެއަޑުއުފުލީ MDPއިން ތިމަންމެނޭ ކިޔާއަޑުއެރުވި މީހުން މ ވަދެ ޙައްޤުތައް ކަޑާލާ. އެޖެނޑާ19 ތަފާތުވާނެ މިހާރުގެ ކޮންމެމެމްބަރަކަގަނޑުވަރެއްދީ

— Moosa Maniku (Reeko) (@ReekoMoosa) March 13, 2022

އޭގެއިތުރުން މޫސަ ވިދާޅުވީ މެމްބަރުކަމުގައި ތިބޭއިރު އަނބިމީހާއާއި ފިރިމީހާ ބޭސްކުރަން ދޭއިނާޔަތެއް މެންބަރުކަމުގެ ދައުރު ހަމަވުމުން ކަނޑާލާނަމަ ދެމަފިރިންނަށް އެއްކޮށް އެއިނާޔަތް ކަނޑާލަންވާނެ ކަމަށެވެ.

މޫސަ މިފަދަ މޭރުމަކުން މިހާރުގެ މަޖިލިސް މެންބަރުންނަށް މަލާމާތް ކުރަށްވައި ވާހަކަދެއްކެވި އަސްލު ސަބަބެއް ނޭނގެއެވެ.