ކުރީގެ ޗީފް އޮފް ޑިފެންސް ފޯސް މޭޖާ ޖެނެރަލް އަހްމަދު ޝިޔާމަށް ކުރާ ރަސްމީ ހައިސިއްޔަތު ނަހަމަގޮތުގައި ބޭނުންކުރުމުގެ ދައުވާގެ ޝަރީޢަތް ޓެކްނިކަލް މައްސަލަތަކަކާ ގުޅިގެން މިއަދު ކެންސަލްކޮށްފިއެވެ.
ޝިޔާމްގެ މައްޗަށް އުފުލާފައިވާ ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ކުށުގެ ދައުވާގެ އަޑުއެހުން ތާވަލު ކޮށްފައި އޮތީ މިއަދު ހެނދުނު 11:00 އަށެވެ. ނަމަވެސް، އަޑުއެހުން ކެންސަލްކުރީ ކޯޓަށް އަޑު ލިބުމުގައި ދަތިތަކެއް ކުރިމަތިވުމުގެ ސަބަބުންނެވެ.
މިމައްސަލައިގައި 15 ނޮވެމްބަރު 2021 ވަނަ ދުވަހު ބޭއްވި އަޑުއެހުމުގައި ޝިޔާމްގެ ފަރާތުން ވަކީލުން ބުނެފައިވަނީ ދައުވާ ސާފުނުވާ ކަމަށާއި، ދައުލަތުން ޝިޔާމްގެ މައްޗަށް އުފުލާފައިވާ ދައުވާގެ ސީޣާގައި ހުންނަން ޖެހޭ އުންސުރުތައްވެސް ފުރިހަމަ ނުވާ ކަމަށެވެ. އެގޮތުން ރަސްމީ ހައިސިއްޔަތު ނަހަމަގޮތުގައި ބޭނުންކުރިކަން ސާފު ނުވާ ކަމަށާއި އަދި ނަހަމަ ގޮތުގައި ޝިޔާމް ލިބިގަތީ ކޮން ފައިދާއެއްކަން ދައުވާ ފޯމުގައި ބަޔާންކޮށްފައިވެސް ނުވާކަން ވަކީލުން ފާހަގަކުރިއެވެ. އަދި ޝިޔާމް ހިލާފުވީ އެމްއެންޑީއެފްގެ ކޮން ގާނޫނަކާކަން ދައުވާ ފޯމުގައި ނެތްކަންވެސް ފާހަގަކުރިއެވެ.
އެދުވަހުގެ ޝަރީޢަތުގައި ދަޢުލަތުން ބުނެފައިވަނީ މައްސަލަ ރައްދުވާ ފަރާތުން ދަޢުވާއަށް އެއްބަސްވެ، އެ ތުހުމަތުތަކަށް އިންކާރު ކޮށްފައިވާތީ، އެ މަރުހަލާ ނިމިފައިވާ ކަމަށެވެ. އޭގެ އިތުރުން މައްސަލަ ބައްލަވާ ގާޒީވެސް ވިދާޅުވީ މަދަނީ މިންގަނޑުން ޝިޔާމަށް ކުރާ ދައުވާ ކުރިއަށް ގެންދެވޭނެކަމަށް ކަނޑައަޅާފައިވާ ކަމަށެވެ.
އެންމެފަހުން ބޭއްވި އަޑުއެހުމުގައި ދައުލަތުން ވަނީ ޝިޔާމަށް ކުރާ ދައުވާ ސާބިތުކުރުމަށް ހެކި ހުށަހަޅާފައެވެ. މި ދައުވާތަކުން ބަރީއަވުމަށްޓަކައި ޝިޔާމްގެ ފަރާތުން ދިފާއީ ހެކި ހުށަހެޅުމަށް އިތުރު ވަގުތަށް އެދުމުން، ގާޒީ ވަނީ ހަތް ދުވަހުގެ މުހުލަތެއް ދީފަ އެވެ. އަދި ޝަރީއަތުގެ ކުރިން ހުށަހަޅާ ލިޔުންތައް ކޯޓަށް ހުށަހަޅަން 15 ދުވަސް ދީފައެވެ.
ޝިޔާމަށް ދައުވާ ކުރަނީ ޝިޔާމް ޗީފް އޮފް ޑިފެންސް ފޯރސްގެ މަގާމުގައި ހުންނެވިއިރު، ކ. ވިލިނގިލީގައި ހުންނަ ކޯސްޓްގާޑުގެ މެރިޓަމް ރެސްކިއު ކޯޑިނޭޝަން ސެންޓަރު ހުންނަ ބިމުގައި ހުރި ވީއައިޕީ ގެއެއްގައި، 2017 ވަނަ އަހަރާއި 2018 ވަނަ އަހަރު ތެރޭގައި (އެއް އަހަރާއި ހަތަރު މަހާއި 24 ދުވަހުގެ މުއްދަތަކަށް) އޭނާގެ ބައްޕަ ދިރިއުޅުއްވުމަށް ބަހައްޓަވައި، އެ މުއްދަތުގައި އޭނާގެ ބައްޕާފުޅު ބެލެހެއްޓުމުގެ ކަންކަން ސިފައިންގެ ޕްރައިވެޓް އޮފިސަރަކާއި ހަވާލުކުރެއްވި މައްސަލައިގައެވެ.
މި މައްސަލައާއި ގުޅިގެން ޝިޔާމުގެ މައްޗަށް، ދިވެހިރާއްޖޭގެ ޤާނޫނުލްޢުޤޫބާތުގެ 513 ވަނަ މާއްދާގެ (ށ) އާއި ހަވާލާދީ، އެ މާއްދާގެ (ނ) ގެ ދަށުން ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ ކްރިމިނަލް ކޯޓަށް ހުށަހަޅާފައިވަނީ 2020 ވަނަ އަހަރުގެ ޑިސެމްބަރު މަހުގެ 28 ވަނަ ދުވަހުއެވެ.
މިމައްސަލައިގައި 15 ނޮވެމްބަރު 2021 ވަނަ ދުވަހު ބޭއްވި އަޑުއެހުމުގައި ޝިޔާމްގެ ފަރާތުން ވަކީލުން ބުނެފައިވަނީ ދައުވާ ސާފުނުވާ ކަމަށާއި، ދައުލަތުން ޝިޔާމްގެ މައްޗަށް އުފުލާފައިވާ ދައުވާގެ ސީޣާގައި ހުންނަން ޖެހޭ އުންސުރުތައްވެސް ފުރިހަމަ ނުވާ ކަމަށެވެ. އެގޮތުން ރަސްމީ ހައިސިއްޔަތު ނަހަމަގޮތުގައި ބޭނުންކުރިކަން ސާފު ނުވާ ކަމަށާއި އަދި ނަހަމަ ގޮތުގައި ޝިޔާމް ލިބިގަތީ ކޮން ފައިދާއެއްކަން ދައުވާ ފޯމުގައި ބަޔާންކޮށްފައިވެސް ނުވާކަން ވަކީލުން ފާހަގަކުރިއެވެ. އަދި ޝިޔާމް ހިލާފުވީ އެމްއެންޑީއެފްގެ ކޮން ގާނޫނަކާކަން ދައުވާ ފޯމުގައި ނެތްކަންވެސް ފާހަގަކުރިއެވެ.
އެދުވަހުގެ ޝަރީޢަތުގައި ދަޢުލަތުން ބުނެފައިވަނީ މައްސަލަ ރައްދުވާ ފަރާތުން ދަޢުވާއަށް އެއްބަސްވެ، އެ ތުހުމަތުތަކަށް އިންކާރު ކޮށްފައިވާތީ، އެ މަރުހަލާ ނިމިފައިވާ ކަމަށެވެ. އޭގެ އިތުރުން މައްސަލަ ބައްލަވާ ގާޒީވެސް ވިދާޅުވީ މަދަނީ މިންގަނޑުން ޝިޔާމަށް ކުރާ ދައުވާ ކުރިއަށް ގެންދެވޭނެކަމަށް ކަނޑައަޅާފައިވާ ކަމަށެވެ.
އެންމެފަހުން ބޭއްވި އަޑުއެހުމުގައި ދައުލަތުން ވަނީ ޝިޔާމަށް ކުރާ ދައުވާ ސާބިތުކުރުމަށް ހެކި ހުށަހަޅާފައެވެ. މި ދައުވާތަކުން ބަރީއަވުމަށްޓަކައި ޝިޔާމްގެ ފަރާތުން ދިފާއީ ހެކި ހުށަހެޅުމަށް އިތުރު ވަގުތަށް އެދުމުން، ގާޒީ ވަނީ ހަތް ދުވަހުގެ މުހުލަތެއް ދީފަ އެވެ. އަދި ޝަރީއަތުގެ ކުރިން ހުށަހަޅާ ލިޔުންތައް ކޯޓަށް ހުށަހަޅަން 15 ދުވަސް ދީފައެވެ.
މި މައްސަލައާއި ގުޅިގެން ޝިޔާމުގެ މައްޗަށް، ދިވެހިރާއްޖޭގެ ޤާނޫނުލްޢުޤޫބާތުގެ 513 ވަނަ މާއްދާގެ (ށ) އާއި ހަވާލާދީ، އެ މާއްދާގެ (ނ) ގެ ދަށުން ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ ކްރިމިނަލް ކޯޓަށް ހުށަހަޅާފައިވަނީ 2020 ވަނަ އަހަރުގެ ޑިސެމްބަރު މަހުގެ 28 ވަނަ ދުވަހުއެވެ.
ކިޔުންތެރިންގެ ހިޔާލު