ކްރިމިނަލް ކޯޓުގެ ކުރީގެ ގާޒީ މުޙައްމަދު ސަމީރަށް ސުލޫކީ ފިޔަވަޅު އަޅަން ޖުޑީޝަލް ސަރވިސް ކޮމިޝަން (ޖޭއެސްސީ) އިން ނިންމައިފިއެވެ.
ޖޭއެސްސީން ސަމީރުގެ މައްސަލައެއް ބަލާފައި މިވަނީ، އޭނާ ކްރިމިނަލް ކޯޓްގައި ހުންނެވި ދުވަސްވަރު އެ ކޯޓަށް ހުށަހެޅި މައްސަލައެއްގެ މުއްދަތު މަޖިލީހުގައި ގާޒީ ސަމީރު ދެއްކެވި ވާހަކަތަކަކާ ގުޅިގެންނެވެ.
ޖޭއެސްސީން ބުނީ ކޯޓަށް ހުށަހެޅި ޖިންސީ ފުރައްސާރައިގެ މައްސަލައެއްގެ މުއްދަތު މަޖިލީހުގައި، މައްސަލަ ރައްދުވާ ފަރާތުގެ އެ އަމަލަކީ ވަރަށް އާދައިގެ ކަމެއް ކަމަށް ދޭހަވާ ގޮތަށް ގާޒީ ސަމީރު ވާހަކަ ދައްކަވައިފައިވާ ކަމަށެވެ.
މި މައްސަލަ ރައްދުވާ ފަރާތް ބަންދުގައި ބަހައްޓަން ގާޒީ ނިންމަވައިފައި ވަނީ ބަންދުން ދޫކޮށްލައިފި ނަމަ ނޫސްތަކުގައި އެ ވާހަކަ ޖަހާނެތީ ކަމަށާއި އަބަދުވެސް ގޯސްވެފައި އޮންނަނީ ކޯޓުތައް ކަމަށް ބުނެއެވެ. އެ ގޮތަށް ގާޒީ ވާހަކަ ދެއްކެވިކަން ތަހުގީގަށް ސާބިތުވާ ކަމަށް ވެސް އެ ކޮމިޝަނުން މިއަދު ނެރުނު ބަޔާނެއްގައި ބުނެފައިވެއެވެ.
މި މައްސަލަ ބެލުމަށްފަހު ޖޭއެސްސީން ބުނީ، ގާޒީ މުޙައްމަދު ސަމީރުގެ އެ އަމަލަކީ، ދިވެހިރާއްޖޭގެ ފަނޑިޔާރުންގެ ޤާނޫނާއި ފަނޑިޔާރުންގެ ސުލޫކީ މިންގަނޑާއި ޚިލާފަށް ކޮށްފައިވާ އަމަލަކަށްވާތީ، ގާޒީ ސަމީރަށް ނަސޭހަތް ދިނުމާއެކު ކޮމިޝަނުން ކަނޑައަޅާ ތަމްރީނު ޕްރޮގްރާމެއް ފުރިހަމަ ކުރުމަށް އެންގުމަށް މިމަހުގެ 13 ވަނަ ދުވަހު ކޮމިޝަނުން ނިންމާފައިވާ ކަމަށެވެ.
ސަމީރާމެދު ފިޔަވަޅު އަޅަން ޖޭއެސްސީން ނިންމިއިރު އޭނާ މިވަގުތު ހުންނެވީ ޑްރަގް ކޯޓުގެ ގާޒީއެއްގެ ގޮތުގައެވެ.
ޖޭއެސްސީން ބުނީ ކޯޓަށް ހުށަހެޅި ޖިންސީ ފުރައްސާރައިގެ މައްސަލައެއްގެ މުއްދަތު މަޖިލީހުގައި، މައްސަލަ ރައްދުވާ ފަރާތުގެ އެ އަމަލަކީ ވަރަށް އާދައިގެ ކަމެއް ކަމަށް ދޭހަވާ ގޮތަށް ގާޒީ ސަމީރު ވާހަކަ ދައްކަވައިފައިވާ ކަމަށެވެ.
މި މައްސަލަ ރައްދުވާ ފަރާތް ބަންދުގައި ބަހައްޓަން ގާޒީ ނިންމަވައިފައި ވަނީ ބަންދުން ދޫކޮށްލައިފި ނަމަ ނޫސްތަކުގައި އެ ވާހަކަ ޖަހާނެތީ ކަމަށާއި އަބަދުވެސް ގޯސްވެފައި އޮންނަނީ ކޯޓުތައް ކަމަށް ބުނެއެވެ. އެ ގޮތަށް ގާޒީ ވާހަކަ ދެއްކެވިކަން ތަހުގީގަށް ސާބިތުވާ ކަމަށް ވެސް އެ ކޮމިޝަނުން މިއަދު ނެރުނު ބަޔާނެއްގައި ބުނެފައިވެއެވެ.
ސަމީރާމެދު ފިޔަވަޅު އަޅަން ޖޭއެސްސީން ނިންމިއިރު އޭނާ މިވަގުތު ހުންނެވީ ޑްރަގް ކޯޓުގެ ގާޒީއެއްގެ ގޮތުގައެވެ.
ކިޔުންތެރިންގެ ހިޔާލު