ސްޓޭޓް ޓްރޭޑިންގ އޮގަނައިޒޭޝަން (އެސްޓީއޯ) އިން ލުނބޯ ކިލޯއެއް 45 ރުފިޔާއަށް ވިއްކަން ފަށާފައިވާކަން އެކުންފުނިން ހާމަ ކޮށްފިއެވެ.

ރާއްޖޭގެ ބާޒާރުގައި ލުނބޯ ލިބުން ދަތިވެ ލުނބޯ ކިލޯއެއްގެ އަގު 100 ރުފިޔާއިން މަތީގައި ހުންނަތާ މިވަނީ ދުވަސްކޮޅެއް ވެފައެވެ. މި އަގު ރަމަޟާން މަސް ފެށުނު އިރުވެސް ތިރިވެފައި ނުވުން ވެފައިވަނީ ސަރުކާރަށް ގިނަ ބައެއްގެ ފާޑުކިޔުން އަމާޒުވި ކަމަކަށެވެ.

މި ކަންކަމަށް ހައްްލެއް ހޯދައިދިނުމުގެ ބޭނުމުގައި، އެސްޓީއޯއިން އިސްނަގައިގެން މިހާރުވަނީ ލުނބޯ ކިލޯއެއް 45 ރުފިޔާއަށް ވިއްކަން ފަށާފައެވެ. އެ ކުންފުނިން މިރޭ ހާމަ ކުރިގޮތުގައި، އެސްޓީއޯ ޕީޕަލްސް ޗޮއިސް އިން މިހާރު ބޮލަކަށް 1 ކިލޯގެ މަގުން ކިލޯއެއް 45 ރުފިޔާއަށް ލިބެން ހުންނާނެއެވެ.

އަދި އެސްޓީއޯ އެގްރިސެންޓަރުން ބޮލަކަށް 3 ކިލޯގެ މަގުން ކިލޯއެއް 45 ރުފިޔާއަށް ލިބެން ހުންނާނެކަމަށް ވެސް އެ ކުންފުނިން ވަނީ ބުނެފައެވެ.

Following the rising rate of Lemons in the market right now, we are happy to announce that, Fresh Lemons are available for sale with us as below

Price per kg: MVR 45

▪️1 kg per head to be sold at @stopc_mv
▪️3 kg per head to be sold at @stoagricenter

— STO (@stoplc) April 4, 2022

މާލޭ ބާޒާރުގައި ލުނބޯގެ އަގު މިއަދު ވެސް ހުރީ ކިލޯއެއް 100ރ. އިން މަތީގައެވެ. އަދި ފާއިތުވި ދެ ހަފުތާއިން ފެށިގެން ލުނބޯ ކިލޯއެއްގެ އަގު އުޅެނީ 120ރ އާއި 150ރ. އާ ދެމެދުގައެވެ. އެއީ އާންމުކޮށް 35ރ. އަށް ކިލޯއެއް ލިބެން ހުންނަ އެއްޗެކެވެ.

އާއްމުކޮށް ރާއްޖެއަށް ލުނބޯ އެތެރެ ކުރަނީ އެފްރިކާގެ ބައެއް ގައުމުތަކާއި އިންޑިއާ އާއި ލަންކާ އާއި ވިއެޓްނާމުންނެވެ. ލަންކާ އާއި އިންޑިއާއިން ލުނބޯ ލިބުމުގައި ދަތިތަކެއް ހުރި ކަމަށް އެތަކެތި އެތެރެކުރާ ވިޔަފާރިވެރިން ދަނީ ބުނަމުންނެވެ.