މާލޭ ސަރަޙައްދުގައި ކޯވިޑް-19 އަށް ސާމްޕަލް ނެގުން ދެން ކުރިޔަށްދާނީ ހުޅުމާލޭ ހޮސްޕިޓަލުންނާއި ސެނެހިޔާއިން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.

އެޗްޕީއޭއިން ބުނީ، ދަރުބާރުގެއިން ނަގަމުން އައި ކޮވިޑް ސާމްޕަލް ނެގުން މިހާރު ހުއްޓާލާފައިވާ ކަމަށާއި، ދެން ސާމްޕަލް ނަގާނީ ސެނެހިޔާއިން ކަމަށެވެ.

އެގޮތުން ހުކުރުދުވަސް ފިޔަވައި ކޮންމެ ދުވަހަކުވެސް ސެނެހިޔާއިން ހެނދުނު 09:00 އިން ފެށިގެން 11:00 އަށް ކޮވިޑް ސާމްޕަލް ނަގަމުންދާނެ ކަމަށް އެޗްޕީއޭއިން ވަނީ ބުނެފައެވެ.

އެޗްޕީއޭއިން އިތުރަށް ބުނީ، ހުޅުމާލޭ ރުއްގަނޑުގައި ހުންނަ ކޯވިޑް ސާމްޕަލް ކަލެކްޝަން ސެންޓަރުވެސް ބަންދުކޮށްފައިވާ ކަމަށާއި، ހުޅުމާލޭގައި ސާމްޕަލް ނަގަމުންދާނީ ހުޅުމާލޭ ހޮސްޕިޓަލުން ކަމަށެވެ. އެގޮތުން އެޕޮއިންޓްމަންޓް މެދުވެރިކޮށް ހުކުރުދުވަސް ފިޔަވައި ކޮންމެ ދުވަހަކު ހެނދުނު 10:00 އިން 12:00 އަށް ސާމްޕަލް ނަގާނެކަމަށް އެޗްޕީއޭއިން ހާމަކޮށްފައިވެއެވެ.

އެޗްޕީއޭ އިން އެދިފައިވަނީ އެޕޮއިންޓްމަންޓް ހެއްދުމަށް 1417 އަށް ގުޅުއްވުމަށެވެ.