އެސްޓީއޯ ސުޕަމާޓާއި، ހޯލްސޭސް ސެންޓަރު މިއަދުން ފެށިގެން ހުޅުވާލައިފިއެވެ.

އެސްޓީއޯން ބުނީ މިއަދުން ފެށިގެން އެސްޓީއޯ ސުޕަމާޓާއި ހޯލްސޭސް ސެންޓަރު ހުޅުވާލާފައިވާ ކަމަށާއި އެގޮތުން އެސްޓީއޯ ހޯލްސޭލް ސެންޓަރު ހުޅުވާފައި ހުންނާނީ ހުކުރު ދުވަސް ފިޔަވާ ކޮންމެ ދުވަހެއްގެ ހެނދުނު 9:00 އިން ހަވީރު 5:00 އަށް ކަމަށެވެ.

އަދި އެސްޓީއޯގެ ސުޕަމާޓް ހުޅުވާފައި ހުންނާނީ ހުކުރު ދުވަސް ފިޔަވާ ކޮންމެ ދުވަހެއްގެ ހެނދުނު 9:00 އިން މެންދުރު ފަހު 3:00 އަށާއި ހަވީރު 4:00 އިން ރޭގަނޑު 9:00 އަށް ކަމަށެވެ.

މީގެ އިތުރުން އެސްޓީއޯ އިން ބުނީ ވިޔަފާރި ކުރަން ދިއުމުގައި އިޖުތިމާއީ ގައިދުރުކަން ބެހެއްޓުމަށާއި، ކަމާބެހޭ ފަރާތްތަކުން ދެއްވާ އިރުޝާދުތަކަށް ބޯ ލެނބުމަށް އެދޭ ކަމަށެވެ.

ކޯވިޑް-19 އާ ގުޅިގެން އޮންލައިން ކޮށް މުދާ ގަނެވޭނެ އިންތިޒާމް އެސްޓީއޯއިން ވަނީ، އެސްޓީއޯ އީސްޓޯރު މެދުވެރިކޮށް ހަމަޖައްސައިދީފައެވެ. އެހެންނަމަވެސް މި މަހުގެ 09 ވަނަ ދުވަހުން ފެށިގެން ވަނީ، އީސްޓޯރުން ރީޓެއިލްކޮށް މުދާ ވިއްކުން މަޑުޖައްސާލައި ހަމައެކަނި ހޯލްސޭލް ކުރަން ނިންމައިފައެވެ.