ރައީސް މައުމޫނުގެ ހަގު ދަރިކަލުން މުޙައްމަދު ޣައްސާން މައުމޫނުގެ ކެއްތެރިކަން ކޮޅުންލައި ހިތުގެ އުދާސްތައް ސޯޝަލް މީޑިއާއަށް ބަންޑުން ކޮށްލައްވައި، ފާޑުކިޔާ ފަރާތްތަކަށް ވަރުގަދަ ރައްދެއް ދެއްވައިފިއެވެ.
ޣައްސާންގެ ބައްޕާފުޅު ރައީސް އަލްއުސްތާޛު މައުމޫން ޢަބްދުލް ޤައްޔޫމަށް، ޣައްސާންގެ ބޮޑުބޭބެ ރައީސް ޔާމީންގެ ވެރިކަމުގައި ދެއްވި އަނިޔާތަކަށް ކަނު ނަޒަރަކުން ބެއްލެވި ކަމަށް ބުނެ ޣައްސާނަށް ފާޑުކިޔާ ފަރާތްތަކަށް ޣައްސާން މިއަދު ވަނީ ވަރުގަދަ ރައްދުތަކެއް ދެއްވާފައެވެ.
ރައީސް ޔާމީންގެ ދިފާޢުގައި، އެމަނިކުފާނު ޖަލުން ސަލާމަތް ކުރުމަށް މަސައްކަތް ކުރަށްވަނީ ފާޅުގައިކަމަށް ޣައްސާން މީގެ ކުރިން ވަނީ ވިދާޅުވެފައެވެ. ބައްޕާފުޅުގެ ދިފާޢުގައި ނުކުރެއްވި މަސައްކަތެއް ބޮޑުބޭބޭފުޅުގެ ދިފާޢުގައި ޣައްސާން ކުރަށްވާތީ ގިނަ ބައެއްގެ ނުރުހުން އޭނާއަށް ވަނީ އަމާޒުވެފައެވެ.
ޣައްސާން މިއަދު ކުރެއްވި ޓްވީޓެއްގައި ވިދާޅުވެފައި ވަނީ، ކަންބަޅިއެއްގެ ކެހެރިތެރޭގައި ސިފަބަދަލުކޮށްގެން އޮންނަ ހިޔަޅެއް ވާނީ ހަމަ ހިޔަޅަކަށް ކަމަށެވެ. އެހެން ވިދާޅުވުމަށްފަހު ޣައްސާންގެ ހިތްޕުޅުގެ އުދާސްތައް ވަނީ ސޯޝަލް މީޑިއާ އަށް ބަންޑުންކޮށްލައްވާފައެވެ.
"1983، 3 ނޮވެމްބަރު 88 އަދި 8 ޖެނުއަރީ 2008 ގައި ބައްޕަ މަރާލަން ދިން ޙަމަލާގެ އަޑީގައި ތިބީ ކޮން ބައެއްތޯ؟ 90 ގެ އަހަރުތަކުން ފެށިގެން ކީހާ އެއްޗެހި ހަނދުމަ ނެތުނީތޯ؟" ފާޑު ކިޔާ ފަރާތްތަކަށް ސުވާލުތަކަކުން ޖަވާބު ދެއްވަމުން ޣައްސާން ވިދާޅުވިއެވެ.
އަދި ރައީސް ނަޝީދުގެ ވެރިކަމުގައި ރައީސް މައުމޫނާއިމެދު ޢަމަލުކޮށްފައި ވަނީ ވަރަށް އިހާނެތިކޮށް ކަމަށް ދޭހަވާ ގޮތަށް ސިފަ ކުރައްވަމުން ޣައްސާންވަނީ 2009 ގައި ރައީސް މައުމޫން ދިރިއުޅުއްވި ގޭދޮށަށް އެއްވެ އަލިފާންބޯޅަ އުކައި ގާ އުކައި ދޮރު ވައްޓާލާ ވަންނަން އުޅުނީ ކޮން ބައެއްތޯވެސް ސުވާލު އުފައްދަވާފައެވެ. އަދި އޮޅިގެން އުޅެނީ އޭނާއަށް ނޫންކަމަށް ވިދާޅުވެ، ޣައްސާން ވަނީ ފެނާއި ތެލާއި އެކު ނުވާނެ ކަމަށާއި، ލޭ އޮލަވާނެ ކަމަށް ވެސް ވިދާޅުވެފައެވެ.
މީގެ ކުރިން ޣައްސާން ވަނީ ރައީސް ޔާމީން ޖަލަށް ލާފައިވަނީ، ނުފޫޒު ފޯރުވައިގެން ކަމަށާއި، ރައީސް މައުމޫންވެސް ވަރަށް އަވަހަށް އެގޮތަށް ވިދާޅުވާނެ ކަމަށް ވިދާޅުވެފައެވެ. އެކަމާ ގުޅިގެން ޣައްސާނަށް ރައްދު ދެއްވަމުން ރައީސް މައުމޫންގެ ދަރިކަނބަލުން ޔުމްނާ މައުމޫން ވިދާޅުވެފައިވަނީ، ސަރުކާރު ކޯލިޝަން ނުރޫޅޭނެ ކަމަށާއި، ރައީސް މައުމޫން ހުންނަވާނީ ސަރުކާރާއި އެއްކޮށް ކަމަށެވެ.
ރައީސް ޔާމީންގެ ދިފާޢުގައި، އެމަނިކުފާނު ޖަލުން ސަލާމަތް ކުރުމަށް މަސައްކަތް ކުރަށްވަނީ ފާޅުގައިކަމަށް ޣައްސާން މީގެ ކުރިން ވަނީ ވިދާޅުވެފައެވެ. ބައްޕާފުޅުގެ ދިފާޢުގައި ނުކުރެއްވި މަސައްކަތެއް ބޮޑުބޭބޭފުޅުގެ ދިފާޢުގައި ޣައްސާން ކުރަށްވާތީ ގިނަ ބައެއްގެ ނުރުހުން އޭނާއަށް ވަނީ އަމާޒުވެފައެވެ.
ޣައްސާން މިއަދު ކުރެއްވި ޓްވީޓެއްގައި ވިދާޅުވެފައި ވަނީ، ކަންބަޅިއެއްގެ ކެހެރިތެރޭގައި ސިފަބަދަލުކޮށްގެން އޮންނަ ހިޔަޅެއް ވާނީ ހަމަ ހިޔަޅަކަށް ކަމަށެވެ. އެހެން ވިދާޅުވުމަށްފަހު ޣައްސާންގެ ހިތްޕުޅުގެ އުދާސްތައް ވަނީ ސޯޝަލް މީޑިއާ އަށް ބަންޑުންކޮށްލައްވާފައެވެ.
"1983، 3 ނޮވެމްބަރު 88 އަދި 8 ޖެނުއަރީ 2008 ގައި ބައްޕަ މަރާލަން ދިން ޙަމަލާގެ އަޑީގައި ތިބީ ކޮން ބައެއްތޯ؟ 90 ގެ އަހަރުތަކުން ފެށިގެން ކީހާ އެއްޗެހި ހަނދުމަ ނެތުނީތޯ؟" ފާޑު ކިޔާ ފަރާތްތަކަށް ސުވާލުތަކަކުން ޖަވާބު ދެއްވަމުން ޣައްސާން ވިދާޅުވިއެވެ.
މީގެ ކުރިން ޣައްސާން ވަނީ ރައީސް ޔާމީން ޖަލަށް ލާފައިވަނީ، ނުފޫޒު ފޯރުވައިގެން ކަމަށާއި، ރައީސް މައުމޫންވެސް ވަރަށް އަވަހަށް އެގޮތަށް ވިދާޅުވާނެ ކަމަށް ވިދާޅުވެފައެވެ. އެކަމާ ގުޅިގެން ޣައްސާނަށް ރައްދު ދެއްވަމުން ރައީސް މައުމޫންގެ ދަރިކަނބަލުން ޔުމްނާ މައުމޫން ވިދާޅުވެފައިވަނީ، ސަރުކާރު ކޯލިޝަން ނުރޫޅޭނެ ކަމަށާއި، ރައީސް މައުމޫން ހުންނަވާނީ ސަރުކާރާއި އެއްކޮށް ކަމަށެވެ.
ކިޔުންތެރިންގެ ހިޔާލު