އަންނަ މަހުން ފެށިގެން ނުރައްކާތެރި ކުށްވެރިންގެ ފައިގައި ޓެގް އަޅުވަން ފެށޭނެ ކަމަށް ހޯމް މިނިސްޓަރު އިމްރާން ޢަބްދުﷲ ވިދާޅުވެއްޖެއެވެ.
ރޭ ރާއްޖެޓީވީގައި ވާހަކަ ދައްކަވަމުން އިމްރާން ވިދާޅުވީ، ގާނޫނުން މިހާރު ހުއްދަ ލިބޭ ފަރާތްތަކުގެ ފައިގައި އަންނަ މަހުން ފެށިގެން ޓެގް އަޅުވަން ފެށޭނެ ކަމަށް އުއްމީދުކުރަށްވާ ކަމަށެވެ. މިހާރު ޓެގު އެޅުވެނީ މޮނިކޮން އަމުރު ނެރޭ ފަރާތްތަކުގެ ފައިގައި އެކަނި ކަމަށް އިމްރާން ވިދާޅުވިއެވެ.
ނަމަވެސް ގާނޫނީ އޮނިގަނޑަށް ބަދަލު ގެނެސްގެން ބޮޑެތި ކުށްތައް ކުރާ ފަރާތްތަކުގެ ތެރެއިން މޮނިކޮން އަމުރު ނެރެވޭ ފަރާތްތައް ފިޔަވައި އެހެން މީހުންގެ ފައިގައިވެސް ޓެގް އެޅުވުމަށް ބަންޑާރަ ނައިބާއި މަޝްވަރާ ކުރަށްވަމުން ގެންދަވާކަމަށް އިމްރާން ވިދާޅުވިއެވެ. އަދި އެބަދަލުތައް އަންނަ މަހުގެ ނިޔަލަށް ނިންމާލެވޭނެކަމަށް އުންމީދު ކުރަށްވާ ކަމަށް އިމްރާން ވިދާޅުވިއެވެ.
އިމްރާން ވިދާޅުވީ 100 މީހުންގެ ފައިގައި އަޅުވާނެ ޓެގު މިހާރު ރާއްޖެ ގެނެސްފައިވާ ކަމަށެވެ. އަދި ޓެގު އަޅުވަން ފެށުމުން ބޮޑެތި ކުށްތަކަށް އަރައިގަންނަ ފަރާތްތައް ޖެހިލުންވާނެ ކަމަށާއި އާންމު ރައްޔިތުންނަށް ވެސް އެކަމުގެ އިހުސާސް ކުރެވޭނެފަދަ ބަދަލެއް އަންނާނެ ކަމަށް އިމްރާން ވިދާޅުވިއެވެ.
ކުށްވެރިން ފައިގައި ޓެގް އަޅުވަނީ ޓެރަރިޒަމް މަނާކުރުމުގެ ގާނޫނުގެ ދަށުން ނެރޭ މޮނިކޮން އަމުރުގެ ދަށުންނެވެ. ދިވެހި ރާއްޖޭގެ ހައިކޯޓުން ނެރޭ އެ އަމުރަކީ ބޮޑެތި ކުށްކުށުގެ ތުހުމަތު ކުރެވޭ މީހުން އުޅޭނޫޅޭ ގޮތް ބެލުމަށް އަޅުވާ ޓެގެކެެވެ. ޓެގް އެޅުވުމުން އެމީހާގެ މޫވްމެންޓް ފުލުހުންނަށަ މޮނިޓަރ ކުރެވޭނެއެވެ.
ޓެގް އަޅުވަނީ ވަކި ކަންކަމަކަށް ޝަރުތު ކޮށްފައެވެ. އެގޮތުން ވަކި ވަގުތެއްގައި ގެއިން ބޭރަށް ނުދިޔުމާއި، އެ އުޅޭ ރަށަކުން ފުރައިގެން އެހެން ތަނަކަށް ދާނަމަ ޚާއްސަ ހުއްދައެއް ހޯދަން ޖެހުން ފަދަ ޝަރުތުތަކެެއް ވަނީ ހިމަނާފައެވެ. މި ޝަރުތުތަކާ ޚިލާފުވެއްޖެނަމަ އެމީހުން އަނބުރާ ޖަލަށް ބަދަލުކުރެވޭނެ ކަމަށް މޮނިކޮން އަމުރުގައި ބުނެފައިވެއެެވެ.
ނަމަވެސް ގާނޫނީ އޮނިގަނޑަށް ބަދަލު ގެނެސްގެން ބޮޑެތި ކުށްތައް ކުރާ ފަރާތްތަކުގެ ތެރެއިން މޮނިކޮން އަމުރު ނެރެވޭ ފަރާތްތައް ފިޔަވައި އެހެން މީހުންގެ ފައިގައިވެސް ޓެގް އެޅުވުމަށް ބަންޑާރަ ނައިބާއި މަޝްވަރާ ކުރަށްވަމުން ގެންދަވާކަމަށް އިމްރާން ވިދާޅުވިއެވެ. އަދި އެބަދަލުތައް އަންނަ މަހުގެ ނިޔަލަށް ނިންމާލެވޭނެކަމަށް އުންމީދު ކުރަށްވާ ކަމަށް އިމްރާން ވިދާޅުވިއެވެ.
އިމްރާން ވިދާޅުވީ 100 މީހުންގެ ފައިގައި އަޅުވާނެ ޓެގު މިހާރު ރާއްޖެ ގެނެސްފައިވާ ކަމަށެވެ. އަދި ޓެގު އަޅުވަން ފެށުމުން ބޮޑެތި ކުށްތަކަށް އަރައިގަންނަ ފަރާތްތައް ޖެހިލުންވާނެ ކަމަށާއި އާންމު ރައްޔިތުންނަށް ވެސް އެކަމުގެ އިހުސާސް ކުރެވޭނެފަދަ ބަދަލެއް އަންނާނެ ކަމަށް އިމްރާން ވިދާޅުވިއެވެ.
ޓެގް އަޅުވަނީ ވަކި ކަންކަމަކަށް ޝަރުތު ކޮށްފައެވެ. އެގޮތުން ވަކި ވަގުތެއްގައި ގެއިން ބޭރަށް ނުދިޔުމާއި، އެ އުޅޭ ރަށަކުން ފުރައިގެން އެހެން ތަނަކަށް ދާނަމަ ޚާއްސަ ހުއްދައެއް ހޯދަން ޖެހުން ފަދަ ޝަރުތުތަކެެއް ވަނީ ހިމަނާފައެވެ. މި ޝަރުތުތަކާ ޚިލާފުވެއްޖެނަމަ އެމީހުން އަނބުރާ ޖަލަށް ބަދަލުކުރެވޭނެ ކަމަށް މޮނިކޮން އަމުރުގައި ބުނެފައިވެއެެވެ.
ކިޔުންތެރިންގެ ހިޔާލު