ރާއްޖެއަށް މިއަހަރު ޙައްޖު ކޯޓާގެ ގޮތުގައި ރަސްމީކޮށް ލިބުނީ 1000 މީހުންގެ ޖާގަކަމަށް އިސްލާމިކް މިނިސްޓަރ ޑރ. އަޙްމަދު ޒާހިރު ޢަލީ ވިދާޅުވެއްޖެއެވެ.

މީގެ ކުރިން މިނިސްޓަރ ވިދާޅުވެފައިވަނީ، ކޮވިޑާއި ގުޅިގެން ރާއްޖެއިން މީހުން ހައްޖަށް ނުދެވި ދެ އަހަރު ފާއިތުވެގެން ގޮސްފައިވާ ކަމަށާއި، އެންމެ ފަހުން ވެސް ލިބުނީ 400 އެއްހާ ކޯޓާ ކަމަށެވެ. އެހެންކަމުން ޙައްޖަށް ދިއުމަށް ބޭނުންވާ މީހުންގެ ދިގު ލިސްޓެއް އެބައޮތްކަމަށް މިނިސްޓަރ ވިދާޅުވިއެވެ.

މިނިސްޓަރ މިއަދު ވިދާޅުވީ ރަސްމީކޮށް 1000 ކޯޓާ ލިބިފައިވީނަމަވެސް، އިތުޖާގަ ހޯއްދެވުމަށް މިހާރުވެސް މަސައްކަތް ކުރަށްވަމުން ގެންދަވާ ކަމަށެވެ.

Saudi sarukaarun dhivehi raahje ah dhehvaa Rasmee 1000 Hahju quota mihaaru vany libifa.
Ithuru quota hodhumuge masahkai migendhany kuramun.

— Ahmed Zahir Ali (@AhmedZahirAli) February 22, 2023

ރާއްޖެއިން މިދިޔަ އަހަރު ޖުމްލަ 453 ޙައްޖުވެރިން ޙައްޖުގެ އަޅުކަން އަދާކުރުމަށް މައްކާއަށް ދިޔައެވެ. އެހުރިހާ ހައްޖުވެރިންވެސް ހައްޖަށް ދިޔައީ ސަރުކާރުގެ ހައްޖާއި އުމުރާ ކުންފުނި، ހައްޖު ކޯޕަރޭޝަންގެ ހަވާލުގައެވެ.

މިނިސްޓަރ ވިދާޅުވެފައިވަނީ އިތުރު ކޯޓާ ލިބިއްޖެނަމަ ހައްޖަށްދާން ބޭނުންވެ ނަންނޯޓު ކޮށްފައިވާ މީހުންގެ ލިސްޓު ވަރަށް އަވަހަށް ނިންމާލެވޭނެ ކަމަށެވެ.