ރަމަޟާންމަހަށް ހުޅުމާލޭގެ ދެވަނަ ފިޔަވަހީގައި ވަގުތީ މާރުކޭޓެއް ހުޅުވުމަށް މާލެ ސިޓީ ކައުންސިލުން ނިންމައިފިއެވެ.
ހުޅުމާލޭ ދެވަނަ ފިޔަވަހީގައި ދިރިއުޅޭ ދިހަ ވަރަކަށް ހާސް ޢާއިލާއަށް ރަމަޟާންމަހު ލުއި ފަސޭހަކަމާއެކު ތަރުކާރީ އާއި މޭވާ ފަދަ ތަކެތި ލިބޭނެ އިންތިޒާމް ހަމަޖެއްސުމާމެދު މާލެ ސިޓީ ކައުންސިލްގެ 90 ވަނަ ރަސްމީ ޢާއްމު ޖަލްސާގައި ގޮތްތަކެއް ނިންމާފައިވާ ކަމަށް އެކައުންސިލުން މަޢުލޫމާތުދެއެވެ.
ސިޓީ ކައުންސިލްގެ ހުޅުމާލެ ދާއިރާގެ ކައުންސިލަރު އިބްރާހިމް ޝުޖާއު ވިދާޅުވީ ވަގުތީ މާރުކޭޓާއި ގުޅޭ މަޝްވަރާތައް އެޗްޑީސީއާއިއެކު ކުރިއަށް ގެންދެވިފައިވާ ކަމަށާއި، އެފަރާތުންވެސް އެކަމަށް އެއްބާރުލުން ދެއްވާނެ ކަމަށް ނުރަސްމީކޮށް ވިދާޅުވެފައިވާ ކަމަށެވެ.
ކައުންސިލުން ބުނީ ހުޅުމާލޭގެ ދެވަނަ ފިޔަވަހީގައި ވަގުތީ މާރުކޭޓެއް ހުޅުވުމަށް ނިންމާފައި ވަނީ އެތަނުގައި ދިރިއުޅޭ ރައްޔިތުންގެ އެދުމުގެ މަތިންކަމަށެވެ. އެގޮތުން ވަގުތީ ލޯކަލް މާރުކޭޓު ހުޅުވާނީ މާލެ ސިޓީ ކައުންސިލަށްވެސް އޭގެން އާމްދަނީއެއް ލިބޭގޮތަށް ކަމަށް އެކައުންސިލުން ހާމަކޮށްފައިވެއެވެ.
ކައުންސިލުން ބުނީ ހުޅުމާލޭގެ ދެވަނަ ފިޔަވަހީގައި ވަގުތީ މާރުކޭޓެއް ހުޅުވުމަށް ނިންމާފައި ވަނީ އެތަނުގައި ދިރިއުޅޭ ރައްޔިތުންގެ އެދުމުގެ މަތިންކަމަށެވެ. އެގޮތުން ވަގުތީ ލޯކަލް މާރުކޭޓު ހުޅުވާނީ މާލެ ސިޓީ ކައުންސިލަށްވެސް އޭގެން އާމްދަނީއެއް ލިބޭގޮތަށް ކަމަށް އެކައުންސިލުން ހާމަކޮށްފައިވެއެވެ.
ކިޔުންތެރިންގެ ހިޔާލު