ގުޅީފަޅުގައި ހުންނަ އެފްކޮންސްގެ އެކޮމޮޑޭޝަން ބްލޮކުގައި ހިނގި އަލިފާނުގެ ހާދިސާއަށްފަހު އެތަނުން ފެނުނު އިންސާނެއްގެ ހަށިގަނޑަކީ އެތަނުން ގެއްލިގެން ހޯދަމުންދިޔަ މީހާކަމަށް ފުލުހުން ހާމަކޮށްފިއެވެ.
ފުލުހުންގެ މީޑިއާ އޮފިޝަލް ވިދާޅުވީ، ގުޅީފަޅު އަލިފާނުގެ ހާދިސާ ހިނގި ސަރަހައްދު ސާފުކުރަމުން ދަނިކޮށް އެތަނުން ފެނުނު ހަށިގަނޑަކީ ގެއްލިގެން ހޯދަމުންދިޔަ މީހާގެ ހަށިގަނޑުކަން ކަށަވަރު ވެފައިވާ ކަމަށެވެ. އަދި އެ ހަށިގަނޑު މިހާރުވަނީ ޢާއިލާއާ ޙަވާލުކުރުމަށް އިންޑިއާއަށް ފޮނުވާފައި ކަމަށްވެސް މީޑިއާ އޮފިޝަލް ވިދާޅުވިއެވެ.
އެފްކޮންސްގެ އެކަމަޑޭޝަން ބްލޮކްގައި ހިނގި މި ހާދިސާގައި ޖުމުލަ 70 އެއްހާ މީހުންނަށް އަނިޔާވެގެން ހޮސްޕިޓަލްގައި ފަރުވާ ދިނެވެ. އަދި އޭގެ އެއްދުވަސްފަހުން މީހަކު މަދުކަން ފާހަގަވެގެން އެމީހާ ހޯދުމުގެ މަސައްކަތް ކުރަނިކޮށް އެނދި ސަރަހައްދުން އިންސާނެއްގެ ކަށިތަކެއް ވަނީ ފެނިފައެވެ. އަދި އޭގެ ފަހުންވެސް އެ ސަރަޙައްދުން އިންސާނެއްގެ ހަށިގަނޑުގެ ބައިތަކެއް ފެނިފައިވެއެވެ.
އެފްކޮންސްގެ ސައިޓަކީ ގިނަ އަދަދެއްގެ މީހުން ދިރިއުޅެމުންދިޔަ ތަނެކެވެ. އެގޮތުން 457 މީހުން އެތަނުގައި ކައްކާކައިބޮއި ނިދާ ހަދާކަމަށް އެ ކުންފުނިން ބުނެފައިވެއެވެ.
އެފްކޮންސްގެ ސައިޓަކީ ގިނަ އަދަދެއްގެ މީހުން ދިރިއުޅެމުންދިޔަ ތަނެކެވެ. އެގޮތުން 457 މީހުން އެތަނުގައި ކައްކާކައިބޮއި ނިދާ ހަދާކަމަށް އެ ކުންފުނިން ބުނެފައިވެއެވެ.
ކިޔުންތެރިންގެ ހިޔާލު