އަންހެނުންނަށް ނަފުސާނީ ގޮތުންނާއި ޖިސްމާނީ ގޮތުން ކުރިމަތިވާ ސިއްޙީ މައްސަލަތަކަށް ހައްލެއް ހޯދައިދިނުމަށް ގައުމީ ފެންވަރުގައި ރަނގަޅު ދިރާސާއެއް ކުރުމަށް ގޮވާލާ ޤަރާރެއް ރައްޔިތުންގެ މަޖިލީހަށް ހުށަހަޅައިފި އެވެ.
ރައްޔިތުންގެ މަޖިލީހަށް މި ގަރާރު ހުށަހެޅުއްވީ ގަލޮޅު އުތުރު ދާއިރާގެ މެންބަރު އީވާ އަބްދުﷲ އެވެ.
އީވާގެ ޤަރާރުގައި ބުނެފައިވަނީ އަންހެނުންގެ މާލީ ހާލަތުގެ ސަބަބުން، ނުވަތަ އާއިލީ ޒިންމާތަކުގެ ސަބަބުން، ނުވަތަ އަންހެނަކަށްވީތީ ކުރިމަތިކުރުވާ ތަފާތުކުރުންތަކުގެ ސަބަބުން، ސިއްހީ ހިދުމަތް ހޯދުމަށް ސިއްހީ ހިދުމަތްތެރިންނާ ހަމައަށް ދިއުމަކީ ދަތިކަމަށް ވެފައިވާ ކަމަށެވެ. އެހެންކަމުން ނަފުސާނީ ގޮތުންނާއި ޖިސްމާނީ ގޮތުން އަންހެނުންނަށް ކުރިމަތިވާ މައްސަލަތައް ދެނެގަތުމަށް ޤައުމީ ފެންވަރެެއްގައި ދިރާސާއެއް ކުރުމަކީ މުހިންމު ކަމެއް ކަމަށް ގަރާރުގައި ބުނެފައިވެ އެވެ.
މި ގަރާރުގައި ވަނީ އަންހެނުންނަށް ކުރިމަތިވާ ސިއްޙީ މައްސަލަތަކަށް ހައްލެއް ހޯދައިދިނުމަށް ގައުމީ ފެންވަރުގައި ދިރާސާކޮށް އެ ދިރާސާގެ އަލީގައި ކަމާގުޅޭ ސިޔާސަތުތައް އެކުލަވާލުމަށް ކުރަންޖެހޭ ކަންކަން ވީހާވެސް އަވަހަށް ކުރުމަށް ސަރުކާރަށާއި ކަމާގުޅޭ ހުރިހާ މުއައްސަސާތަކަށް ގޮވާލާފަ އެވެ.
އަންހެނުންނަށް ތަބީޢީގޮތުން ކުރިމަތިވާ ސިއްޙީ މައްސަލަތައް ގިނަކަމަށާއި އެފަދަ ގިނަ މައްސަލަތައް ގިނަ ފަހަރު ބިނާވަނީ އުފެދުމުގައި ހުންނަ ކަމަކަށް ނުވަތަ ހެދިބޮޑުވުމުގައި ދިމާވާ ކަމަކަށް ނުވަތަ ޖިސްމާނީ ގޮތުން ނުވަތަ ނަފުސާނީ ގޮތުން ލިބޭ އަނިޔާއަކަށް ކަމަށް ގަރާރުގައި ވަނީ ބުނެފަ އެވެ.
އޭގެއިތުރުން ނަފުސާނީ ދުޅަހެޔޮ ކަމަށް ނޭދެވޭ އަސަރުކުރުވާ ބަލިތަކަށް އަންހެނުން ހުށަހެޅިގެން ދިއުން ބޮޑު ކަމަށް މި ގަރާރުގައި ބުނެފައިވެ އެވެ. ހަމައެއާއެކު ދާއިމީ ގޮތެއްގައި ބޭސްކުރަންޖެޙޭ ނުރައްކާތެރި ބަލިތަކުގެ ނުރައްކާވެސް ބޮޑު ކަމަށް ޤަރާރުގައި ފާހަގަކޮށްފައިވެ އެވެ.
މުޖުތަމަޢުގައި ހުރި ނޭދެވޭ އާދަތަކުގެ ސަބަބުން އަންހެނުންނަށް ލިބޭ ނިކަމެތިކަންވެސް ޤަރާރުގައި ވަނީ ފާހަގަކޮށްފައެވެ. އެގޮތުން ދަރިންގެ ހަރަދު ނުލިބުންފަދަ މާލި ގޮތުން ކުރިމަތިވާ ގޮންޖެހުންތަކާއެކު ތަހައްމަލު ކުރާ ވޭނާއި ތަކުލީފުތައް ގިނަކަމަށާއި ހެޔޮ ދިރިއުޅުމެއް އުޅެވޭނެ ބޯހިޔާވަހިކަންވެސް ނެތި އުޅެންޖެހޭ އަންހެނުންވެސް ގިނަކަމަށް ޤަރާރުގައި ބުނެފައިވެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި އޮތީ ގަރާރު މަޖިލީހަށް ތައާރަފުކުރުމެވެ.
އީވާގެ ޤަރާރުގައި ބުނެފައިވަނީ އަންހެނުންގެ މާލީ ހާލަތުގެ ސަބަބުން، ނުވަތަ އާއިލީ ޒިންމާތަކުގެ ސަބަބުން، ނުވަތަ އަންހެނަކަށްވީތީ ކުރިމަތިކުރުވާ ތަފާތުކުރުންތަކުގެ ސަބަބުން، ސިއްހީ ހިދުމަތް ހޯދުމަށް ސިއްހީ ހިދުމަތްތެރިންނާ ހަމައަށް ދިއުމަކީ ދަތިކަމަށް ވެފައިވާ ކަމަށެވެ. އެހެންކަމުން ނަފުސާނީ ގޮތުންނާއި ޖިސްމާނީ ގޮތުން އަންހެނުންނަށް ކުރިމަތިވާ މައްސަލަތައް ދެނެގަތުމަށް ޤައުމީ ފެންވަރެެއްގައި ދިރާސާއެއް ކުރުމަކީ މުހިންމު ކަމެއް ކަމަށް ގަރާރުގައި ބުނެފައިވެ އެވެ.
މި ގަރާރުގައި ވަނީ އަންހެނުންނަށް ކުރިމަތިވާ ސިއްޙީ މައްސަލަތަކަށް ހައްލެއް ހޯދައިދިނުމަށް ގައުމީ ފެންވަރުގައި ދިރާސާކޮށް އެ ދިރާސާގެ އަލީގައި ކަމާގުޅޭ ސިޔާސަތުތައް އެކުލަވާލުމަށް ކުރަންޖެހޭ ކަންކަން ވީހާވެސް އަވަހަށް ކުރުމަށް ސަރުކާރަށާއި ކަމާގުޅޭ ހުރިހާ މުއައްސަސާތަކަށް ގޮވާލާފަ އެވެ.
އަންހެނުންނަށް ތަބީޢީގޮތުން ކުރިމަތިވާ ސިއްޙީ މައްސަލަތައް ގިނަކަމަށާއި އެފަދަ ގިނަ މައްސަލަތައް ގިނަ ފަހަރު ބިނާވަނީ އުފެދުމުގައި ހުންނަ ކަމަކަށް ނުވަތަ ހެދިބޮޑުވުމުގައި ދިމާވާ ކަމަކަށް ނުވަތަ ޖިސްމާނީ ގޮތުން ނުވަތަ ނަފުސާނީ ގޮތުން ލިބޭ އަނިޔާއަކަށް ކަމަށް ގަރާރުގައި ވަނީ ބުނެފަ އެވެ.
އޭގެއިތުރުން ނަފުސާނީ ދުޅަހެޔޮ ކަމަށް ނޭދެވޭ އަސަރުކުރުވާ ބަލިތަކަށް އަންހެނުން ހުށަހެޅިގެން ދިއުން ބޮޑު ކަމަށް މި ގަރާރުގައި ބުނެފައިވެ އެވެ. ހަމައެއާއެކު ދާއިމީ ގޮތެއްގައި ބޭސްކުރަންޖެޙޭ ނުރައްކާތެރި ބަލިތަކުގެ ނުރައްކާވެސް ބޮޑު ކަމަށް ޤަރާރުގައި ފާހަގަކޮށްފައިވެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި އޮތީ ގަރާރު މަޖިލީހަށް ތައާރަފުކުރުމެވެ.
ކިޔުންތެރިންގެ ހިޔާލު