ކުރިއަށް އޮތް ރިޔާސީ އިންތިޚާބަކީ ބިރުވެރިކަމެއްނެތި ރައްޔިތުންނަށް ވޯޓުލާން ލިބޭ ފުރަތަމަ ފުރުސަތު ކަމަށް އެމްޑީޕީގެ ކުރީގެ ރައީސް އިބްރާހިމް އިސްމާޢީލް (އިބްރާ) ވިދާޅުވެއްޖެއެވެ.

ރާއްޖޭގެ ސިޔާސީ މަސްރަޙް މިހާރު އޮތް ގޮަތަށް އަލިއަޅުއްވާ ލައްވަމުން މަންދު ކޮލެޖްގެ ޗެއަރމަންކަމުގައިވެސް ހުންނެވި އިބްރާ ވިދާޅުވެފައިވަނީ 2008ވަނަ އަހަރު ތަސްދީޤު ކޮށްފައިވާ ޤާނޫނު އަސާސީގެ ދަށުން ރައްޔިތުން މިހާތަނަށް ވޯޓުލަމުން ގޮސްފައިވަނީ ބިރުވެރި މާޙައުލުތަކުގައި ކަމަށެވެ.

އިބްރާ ވިދާޅުވީ މަލްޓިޕާޓީ ޑިމޮކްރަސީއެއްގެ ބޭނުމަކީ އިންތިޚާބުތަކުގައި ރައްޔިތުންނަށް ޗޮއިސް ގިނަކޮށްދިނުން ކަމަށެވެ. އޭގެއިތުރުން މިހާތަނަށް ރާއްޖޭގައި ރައްޔިތުންނަށް ވެރިއަކު ހޮވުމަށް ޗޮއިސް ލިބިފައިނެތް ކަމަށާއި އަބަދުވެސް އުޅެންޖެހިފައިވަނީ އަނިޔާއާ ބިރުން ސަލާމަތްވާން ކަމަށްވެސް އިބްރާ ވިދާޅުވިއެވެ.

“2023 މީ އެފަދަ ބިރުވެރިކަމެއްނެތި ވޯޓްލާން ލިބޭ ފުރަތަމަ ފަހަރު.” އެމްޑީޕީގެ ފުރަތަމަ ރައީސް އިބްރާހިމް އިސްމާޢީލް ވިދާޅުވިއެވެ.

މަލްޓިޕާޓީ ޑިމޮކްރަސީއެއްގެ ބޭނުމަކީ އިންތިޚާބުތަކުގައި ރައްޔިތުންނަށް ޗޮއިސް ގިނަކޮށްދިނުން.

މިހައިތަނަށް ރާއްޖޭގައި މި ޗޮއިސް ލިބިފައެއްނެތް. އަބަދުވެސް އުޅެންޖެހިފައިވަނީ އަނިޔާއާ ބިރުން ސަލާމަތްވާން.

2023 މީ އެފަދަ ބިރުވެރިކަމެއްނެތި ވޯޓްލާން ލިބޭ ފުރަތަމަ ފަހަރު.

— Maverick Ibra (@ibramandhu) February 27, 2023

އިބްރާ މީގެ ކުރިންވެސް ވިދާޅުވެފައިވަނީ ރިޔާސީ އިންތިޚާބަކީ ސިޔާސީ ޕާޓީތަކުގެ އެއްޗެއް ނޫން ކަމަށާއި އެއީ ރައްޔިތުންގެ އެއްޗެއް ކަމަށެވެ. އޭގެއިތުރުން ރިޔާސީ އިންތިޚާބަކީ އެއްވެސް ޕާޓީއެއްގެ ޙައްޤެއް އޮންނަކަމެއް ނޫން ކަމަށްވެސް އިބްރާ ވަނީ ވިދާޅުވެފައެވެ.