ރާއްޖޭގެ ރައީސުލްޖުމްހޫރިއްޔާގެ މަޤާމުގައި ހުންނެވި ބޭފުޅަކާމެދު ސުވާލު އުފެދިފައިވާ ކަމަށް ބުނެ، އިދިކޮޅު ޕީޕީއެމުން ރައްޔިތުންގެ މަޖިލީހަށް ގަރާރެއް ހުށަހަޅައިފި އެވެ.
ރައީސުލްޖުމްހޫރިއްޔާކަމުގެ ޤާނޫނީ ހުވާ ރައީސުލްޖުމްހޫރިއްޔާގެ ނައިބު ފައިސަލް ނަސީމް ކުރެއްވި މައްސަލަ މަޖިލީހަށް ހުށައެޅުއްވީ ޕީޕީއެމްގެ މަހިބަދޫ ދާއިރާގެ މެންބަރު އަހުމަދު ޠާރިޤެވެ. ރައްޔިތުންގެ މަޖިލީހުގެ މިއަދުގެ ޖަލްސާގައި އޮތީ މި ޤަރާރު މަޖިލީހަށް ތައާރަފުކުރުމެވެ.
ޠާރިޤުގެ ޤަރާރުގައި ބުނެފައިވަނީ ރައީސް ޞާލިޙް ކުރެއްވި އޮޕަރޭޝަނަކާއި ގުޅިގެން ހޭފުޅުނައްތާފައި ވާތީ، ނައިބު ރައީސް ކަމުގައި ހުންނެވި ފައިސަލް ނަސީމް ރައީސުލްޖުމްހޫރިއްޔާގެ ދުސްތޫރީ ހުވާ ކުރަށްވާފައިވާ ކަމަށެވެ. އަދި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް އަނބުރާ ރައީސުލްޖުމްހޫރިއްޔާގެ މަގާމާއި ހަވާލުވެ ވަޑައިގަތުމުން ދުސްތޫރީ އޮޅުމެއް އުފެދިފައިވާ ކަމަށް ޤަރާރުގައިވެއެވެ.
އެހެންކަމުން މިހާރު އުފެދިފައިވާ ދުސްތޫރީ އޮޅުން ބޮޅުމަށް ސާފު ހައްލެއް ހޯދައިދިނުމަށް ޠާރިޤުވަނީ ގޮވާލައްވާފައެވެ.
އިދިކޮޅު ޕީޕީއެމް ޕީއެންސީ ކޯލިޝަނުން ވަނީ މި މައްސަލަ މިހާރު ސްޕްރީމް ކޯޓަށްވެސް ހުށަހަޅާފަ އެވެ. މި މައްސަލަ ކޯޓަށް ހުށަހަޅާފައިވަނީ މިދިޔަ މަހުގެ 27 ވަނަ ދުވަހު އެވެ. އެގޮތުން ނައިބު ރައީސް ރައީސުލްޖުމްހޫރިއްޔާގެ ޤާނޫނީ ހުވާ ކުރެއްވުމުން ރައީސުލްޖުމްހޫރިއްޔާގެ މަގާމަށް ނައިބުރައީސް އައްޔަނުވީކަމަށް ސުޕްރީމް ކޯޓަށް ހުށައެޅި ދުސްތޫރީ މައްސަލާގައިވެއެވެ.
ރައީސް އިބްރާހީމް މުހައްމަދު ޞާލިޙު ތައިރޮއިޑް ސަރޖަރީއެއް ހެއްދެވުމަށްޓަކައި، ރައީސުލްޖުމްހޫރިއްޔާގެ މަގާމުގެ މަސްއޫލިއްޔަތުތައް ރައީސުލްޖުމްހޫރިއްޔާގެ ނާއިބު ފައިސަލް ނަސީމާ މިދިޔައަހަރުގެ ފެބުރުވަރީ 25 ގައި ވަނީ ހަވާލު ކުރައްވާފައެވެ. އަދި ނައިބް ރައީސް ފައިސަލް ނަސީމް ވަނީ ހަމައެދުވަހު ރައީސުލްޖުމުހޫރިއްޔާގެ މަސްއޫލިއްޔަތާއި ހަވާލުވެވަޑައިގެން އެކަމުގެ ޤާނޫނީ ހުވާ މަޖިލީހުގެ އިދާރާގައި ކުރައްވާފައެވެ.
އެހެންނަމަވެސް ތިންގަޑިއިރާއި ތިރީސް މިނެޓަށްފަހު ރައީސް ޞާލިޙްވަނީ ހަމަ އެދުވަހު އަލުން ރައީސްކަމުގެ ބާރުތަކާ ރަސްމީކޮށް ހަވާލުވެވަޑައިގެންފައެވެ. މިއީ ރާއްޖޭގައި ރައީސްގެ ބާރުތައް ރަސްމީކޮށް ނާއިބު ރައީސާއި ހަވާލުކުރި ފުރަތަމަ ފަހަރެވެ.
ޠާރިޤުގެ ޤަރާރުގައި ބުނެފައިވަނީ ރައީސް ޞާލިޙް ކުރެއްވި އޮޕަރޭޝަނަކާއި ގުޅިގެން ހޭފުޅުނައްތާފައި ވާތީ، ނައިބު ރައީސް ކަމުގައި ހުންނެވި ފައިސަލް ނަސީމް ރައީސުލްޖުމްހޫރިއްޔާގެ ދުސްތޫރީ ހުވާ ކުރަށްވާފައިވާ ކަމަށެވެ. އަދި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް އަނބުރާ ރައީސުލްޖުމްހޫރިއްޔާގެ މަގާމާއި ހަވާލުވެ ވަޑައިގަތުމުން ދުސްތޫރީ އޮޅުމެއް އުފެދިފައިވާ ކަމަށް ޤަރާރުގައިވެއެވެ.
އެހެންކަމުން މިހާރު އުފެދިފައިވާ ދުސްތޫރީ އޮޅުން ބޮޅުމަށް ސާފު ހައްލެއް ހޯދައިދިނުމަށް ޠާރިޤުވަނީ ގޮވާލައްވާފައެވެ.
އިދިކޮޅު ޕީޕީއެމް ޕީއެންސީ ކޯލިޝަނުން ވަނީ މި މައްސަލަ މިހާރު ސްޕްރީމް ކޯޓަށްވެސް ހުށަހަޅާފަ އެވެ. މި މައްސަލަ ކޯޓަށް ހުށަހަޅާފައިވަނީ މިދިޔަ މަހުގެ 27 ވަނަ ދުވަހު އެވެ. އެގޮތުން ނައިބު ރައީސް ރައީސުލްޖުމްހޫރިއްޔާގެ ޤާނޫނީ ހުވާ ކުރެއްވުމުން ރައީސުލްޖުމްހޫރިއްޔާގެ މަގާމަށް ނައިބުރައީސް އައްޔަނުވީކަމަށް ސުޕްރީމް ކޯޓަށް ހުށައެޅި ދުސްތޫރީ މައްސަލާގައިވެއެވެ.
އެހެންނަމަވެސް ތިންގަޑިއިރާއި ތިރީސް މިނެޓަށްފަހު ރައީސް ޞާލިޙްވަނީ ހަމަ އެދުވަހު އަލުން ރައީސްކަމުގެ ބާރުތަކާ ރަސްމީކޮށް ހަވާލުވެވަޑައިގެންފައެވެ. މިއީ ރާއްޖޭގައި ރައީސްގެ ބާރުތައް ރަސްމީކޮށް ނާއިބު ރައީސާއި ހަވާލުކުރި ފުރަތަމަ ފަހަރެވެ.
ކިޔުންތެރިންގެ ހިޔާލު