ފްރާންސް ލީގުގައި އޭންޖާސްއާއި ބައްދަލުކުރި މެޗުގައި އެމްބާޕޭ ޖެހި ދެލަނޑުން ޕެރިސް ސެއިންޓް ޖާމައިން (ޕީއެސްޖީ) މޮޅުވެއްޖެއެވެ.

ހުކުރު ދުވަހުގެ ރޭ އޭންޖާސްގެ ދަނޑޫގައި ކުޅުނު މި މެޗު ނިމުނީ ޕީއެސްޖީން ކާމިޔާބުކުރީ 2-1 ންނެވެ. ފުރަތަމަ ލަނޑުޖަހާ ލީޑު ނެގީވެސް ޕީއެސްޖީންނެވވެ. މެޗުގހެ ނުވަ ވަނަ މިނެޓުގައި ޕީއެސްޖީއަށް ލީޑު ނަގައިދިނީ އެޓީމުގެ ތަރީ ކީލިއަން އެމްބާޕޭއެވެ. އޭގެ ފަހުން މެޗުގެ 26 ވަނަ މިނެޓުގައި ލިއޮނެލް މެސީ ތަނަވަސްކޮށްދިން ފުރުސަތެއްގައި އެމްބާޕޭ ވަނީ އިތުރު ލަނޑެއްޖަހާ ޕީއެސްޖީއަށް ލީޑު ފުޅާކޮށްދީފައެވެ.

އޭންޖާސްގެ ހަމައެކަނި ލަނޑު އެޓީމުން ކާމިޔާބުކުރީ މެޗުގެ ދެވަނަ ހާފުގައެވެ. މެޗުގެ 87 ވަނަ މިނެޓުގައި އޭންޖާސްއަށް ލަނޑު ޖަހައިދިނީ ސައީދު ތޯބުއެވެ.

މި ނަތީޖާއާއެކު ލީގު ތާވަލުގެ އެއްވަނާގައި ޕީއެސްޖީ އޮތީ 32 މެޗުން ލިބުނު 75 ޕޮއިންޓާއެކުއެވެ. ދެވަނާގައި އޮތް މާސޭއަށް 31 މެޗުން ލިބެނީ 64 ޕޮއިންޓެވެ. ޕޮއިންޓެއްގެ ފަރަގަކާއެކު ތިންވަނާގައި އޮތީ ލެންސްއެވެ. މެޗުން ބަލިވި އޭންޖާސް އޮތީ 14 ޕޮއިންޓާއެކު ތާވަލުގެ ފުލުގައެވެ.