އިންތިޚާބަކާ ނުލައި ތިން ރަށެއްގެ އަންހެނުންގެ ކޮމިޓީއަށް މެންބަރުން ހޮވިއްޖެއެވެ.
އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކުގެ ބައި-އިލެކްޝަންތައް އަހަރަކު އެއްފަހަރު ބާއްވަވާ ގޮތަށް ޤާނޫނަށް ގެނައި އިޞްލާޙާއެކު، މިއަހަރު ޖޫންމަހު ބޭއްވެވުމަށް ތާވަލުކުރި އިންތިޚާބުތަކުގެ ތެރެއިން ވޯޓަކާއި ނުލައި މެންބަރުން ހޮވުނީ، ގދ ވާދޫގެ އިތުރުން ށ.މާއުނގޫދޫ އާއި ރ.މީދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީއަށެވެ.
އެގޮތުން، މާއުނގޫދޫގެ އަންހެނުންގެ ކޮމިޓީގެ މެންބަރަކަށް ޕީޕީއެމްގެ ކެންޑިޑޭޓް އާއިޝަތު ހަނީފާ ހޮވިފައިވާއިރު، މީދޫ ގޮނޑިއަށް ޕީޕީއެމްގެ ކެންޑިޑޭޓް ވަސީމާ އިބްރާހިމް އަދި ވާދޫ ގޮނޑިއަށް ހޮވިފައިވަނީ އަމިއްލަގޮތުން ކުރިމަތިލެއްވި ލިއުޝާ އިބްރާހިމްއެވެ. މި ހުރިހާ މެންބަރުން ވެސް ހޮވުނީ އީސީން ފުރުސަތު ހުޅުވާލި މުއްދަތުގައި އެ ފަރާތްތަކުން އެކަނި ކުރިމަތިލެއްވުމުންނެވެ.
ޤާނޫނަށް ފަހުންގެނައި ބަދަލާއެކު އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކުގެ އިންތިޚާބު ބާއްވަން ޖެހެނީ 365 ދުވަހުގެ ތެރޭގައެވެ. މި އިޞްލާޙާއެކު މިއަހަރު ބާއްވާ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ބައި އިލެކްޝަންތައް ބޭއްވެވުމަށް އިލެކްޝަންސް ކޮމިޝަނުން ތާވަލުކުރީ ޖޫން މަހުގެ 17 ވަނަ ދުވަހަށެވެ. އެދުވަހު 10 ރަށެއްގެ ބައި އިލެކްޝަން ބޭއްވެވުމަށް އިލެކްޝަނުން ތާވަލުކުރުމުން ފ.ބިލެއްދޫ ފިޔަވައި، އެހެންހުރިހާ ރަށެއްގެ އަންހެނުންގެ ކޮމެޓީތަކަށް މެންބަރުން ވަނީ ކުރިމަތިލާފައިވެއެވެ.
އެހެންކަމުން އިންތިޚާބު ބޭއްވުމަށް މިހާރު ހަމަޖެހިފައިވަނީ 6 ރަށެއްގައެވެ. އެއީ ހދ. ފިނޭ އާއި ކ. ދިއްފުއްޓާއި މ. ވޭވަށާއި ތ. ގާދިއްފުއްޓާއި ލ. މާމެންދޫ އާއި ގދ. ހޯނޑެއްދޫގެ ބައި-އިލެކްޝަނެވެ.
ކައުންސިލްތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކަށް މެންބަރުން އިންތިޚާބުވިފަހުން ފާއިތުވެދިޔަ ދެއަހަރު ތެރޭގައި ބޭއްވުނު އިންތިޚާބުތަކަށް 3.7 މިލިޔަން ރުފިޔާ ޚަރަދު ވެފައިވާކަމަށް އިލެކްޝަންސް ކޮމިޝަނުން ވަނީ ހާމަކޮށްފައެވެ.
އެގޮތުން، މާއުނގޫދޫގެ އަންހެނުންގެ ކޮމިޓީގެ މެންބަރަކަށް ޕީޕީއެމްގެ ކެންޑިޑޭޓް އާއިޝަތު ހަނީފާ ހޮވިފައިވާއިރު، މީދޫ ގޮނޑިއަށް ޕީޕީއެމްގެ ކެންޑިޑޭޓް ވަސީމާ އިބްރާހިމް އަދި ވާދޫ ގޮނޑިއަށް ހޮވިފައިވަނީ އަމިއްލަގޮތުން ކުރިމަތިލެއްވި ލިއުޝާ އިބްރާހިމްއެވެ. މި ހުރިހާ މެންބަރުން ވެސް ހޮވުނީ އީސީން ފުރުސަތު ހުޅުވާލި މުއްދަތުގައި އެ ފަރާތްތަކުން އެކަނި ކުރިމަތިލެއްވުމުންނެވެ.
ޤާނޫނަށް ފަހުންގެނައި ބަދަލާއެކު އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކުގެ އިންތިޚާބު ބާއްވަން ޖެހެނީ 365 ދުވަހުގެ ތެރޭގައެވެ. މި އިޞްލާޙާއެކު މިއަހަރު ބާއްވާ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ބައި އިލެކްޝަންތައް ބޭއްވެވުމަށް އިލެކްޝަންސް ކޮމިޝަނުން ތާވަލުކުރީ ޖޫން މަހުގެ 17 ވަނަ ދުވަހަށެވެ. އެދުވަހު 10 ރަށެއްގެ ބައި އިލެކްޝަން ބޭއްވެވުމަށް އިލެކްޝަނުން ތާވަލުކުރުމުން ފ.ބިލެއްދޫ ފިޔަވައި، އެހެންހުރިހާ ރަށެއްގެ އަންހެނުންގެ ކޮމެޓީތަކަށް މެންބަރުން ވަނީ ކުރިމަތިލާފައިވެއެވެ.
ކައުންސިލްތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކަށް މެންބަރުން އިންތިޚާބުވިފަހުން ފާއިތުވެދިޔަ ދެއަހަރު ތެރޭގައި ބޭއްވުނު އިންތިޚާބުތަކަށް 3.7 މިލިޔަން ރުފިޔާ ޚަރަދު ވެފައިވާކަމަށް އިލެކްޝަންސް ކޮމިޝަނުން ވަނީ ހާމަކޮށްފައެވެ.
ކިޔުންތެރިންގެ ހިޔާލު