ރައީސުލްޖުމްހޫރިއްޔާކަމުގެ ހުވާ ނައިބު ރައީސް ފައިސަލް ނަސީމް ކުރެއްވުމުން ދުސްތޫރީ އޮޅުންބޮޅުންގަނޑެއް އޮތް ކަމަށް ބުނެ މަހިބަދޫ ދާއިރާގެ މެންބަރު އަހުމަދު ޠާރިޤު މަޖިލީހަށް ހުށަހެޅުއްވި ޤަރާރު ބޭރު ކޮށްލައިފިއެވެ.
ޠާރިޤުގެ ޤަރާރުގައި ބުނެފައިވަނީ ރައީސް ޞާލިޙް ކުރެއްވި އޮޕަރޭޝަނަކާއި ގުޅިގެން ހޭފުޅުނައްތާފައި ވާތީ، ނައިބު ރައީސް ކަމުގައި ހުންނެވި ފައިސަލް ނަސީމް ރައީސުލްޖުމްހޫރިއްޔާގެ ދުސްތޫރީ ހުވާ ކުރަށްވާފައިވާ ކަމަށެވެ. އަދި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް އަނބުރާ ރައީސުލްޖުމްހޫރިއްޔާގެ މަގާމާއި ހަވާލުވެ ވަޑައިގަތުމުން ދުސްތޫރީ އޮޅުމެއް އުފެދިފައިވާ ކަމަށް ޤަރާރުގައިވެއެވެ.
އެހެންކަމުން މިހާރު އުފެދިފައިވާ ދުސްތޫރީ އޮޅުން ބޮޅުމަށް ސާފު ހައްލެއް ހޯދައިދިނުމަށް ޠާރިޤުވަނީ ގޮވާލައްވާފައެވެ.
ޠާރިޤް ހުށަހެޅުއްވި ގަރާރު ފާސް ކުރަން ފެންނަ ކަމަށް ވޯޓު ދެއްވީ ހަތް މެންބަރެކެވެ. އަދި އެ ގަރާރު ފާސް ކުރެން ފެނިވަޑައިނުގަންނަވާ ކަމަށް 40 މެންބަރުން ވޯޓު ދެއްވި އެވެ. ވަކި ގޮތަކަށް ފެނިވަޑައިނުގަންނަވާ ކަމަށް އެއް މެންބަރަކު ވޯޓު ދެއްވި އެވެ.
ޠާރިޤް މި ޤަރާރު ހުށައެޅުއްވީ، ރައީސް އިބްރާހީމް މުހައްމަދު ޞާލިޙު ތައިރޮއިޑް ސަރޖަރީއެއް ހެއްދެވުމަށްޓަކައި، ރައީސުލްޖުމްހޫރިއްޔާގެ މަގާމުގެ މަސްއޫލިއްޔަތުތައް ރައީސުލްޖުމްހޫރިއްޔާގެ ނާއިބު ފައިސަލް ނަސީމާ މިދިޔައަހަރުގެ ފެބުރުވަރީ 25 ވަނީ ހަވާލު ކުރައްވާފައިވާތީއެވެ. އަދި ނައިބް ރައީސް ފައިސަލް ނަސީމް ވަނީ ހަމައެދުވަހު ރައީސުލްޖުމުހޫރިއްޔާގެ މަސްއޫލިއްޔަތާއި ހަވާލުވެވަޑައިގެން އެކަމުގެ ޤާނޫނޫ ހުވާ މަޖިލީހުގެ އިދާރާގައި ކުރައްވާފައެވެ.
އެހެންނަމަވެސް ތިންގަޑިއިރާއި ތިރީސް މިނެޓަށްފަހު ރައީސް ޞާލިޙްވަނީ ހަމަ އެދުވަހު އަލުން ރައީސްކަމުގެ ބާރުތަކާ ރަސްމީކޮށް ހަވާލުވެވަޑައިގެންފައެވެ. މިއީ ރާއްޖޭގައި ރައީސްގެ ބާރުތައް ރަސްމީކޮށް ނާއިބު ރައީސާއި ހަވާލުކުރި ފުރަތަމަ ފަހަރެވެ.
އެހެންކަމުން މިހާރު އުފެދިފައިވާ ދުސްތޫރީ އޮޅުން ބޮޅުމަށް ސާފު ހައްލެއް ހޯދައިދިނުމަށް ޠާރިޤުވަނީ ގޮވާލައްވާފައެވެ.
ޠާރިޤް ހުށަހެޅުއްވި ގަރާރު ފާސް ކުރަން ފެންނަ ކަމަށް ވޯޓު ދެއްވީ ހަތް މެންބަރެކެވެ. އަދި އެ ގަރާރު ފާސް ކުރެން ފެނިވަޑައިނުގަންނަވާ ކަމަށް 40 މެންބަރުން ވޯޓު ދެއްވި އެވެ. ވަކި ގޮތަކަށް ފެނިވަޑައިނުގަންނަވާ ކަމަށް އެއް މެންބަރަކު ވޯޓު ދެއްވި އެވެ.
އެހެންނަމަވެސް ތިންގަޑިއިރާއި ތިރީސް މިނެޓަށްފަހު ރައީސް ޞާލިޙްވަނީ ހަމަ އެދުވަހު އަލުން ރައީސްކަމުގެ ބާރުތަކާ ރަސްމީކޮށް ހަވާލުވެވަޑައިގެންފައެވެ. މިއީ ރާއްޖޭގައި ރައީސްގެ ބާރުތައް ރަސްމީކޮށް ނާއިބު ރައީސާއި ހަވާލުކުރި ފުރަތަމަ ފަހަރެވެ.
ކިޔުންތެރިންގެ ހިޔާލު