ދިވެހިރާއްޖޭގައި އޮސްޓްރޭލިއާގެ ހައިކޮމިޝަނެއް ހުޅުވައިފިއެވެ.

އޮސްޓްރޭލިއާގެ ހައި ކޮމިޝަން ގާއިމްކުރީ ޖެން ހޮޓަލުގެ ފަސްވަނަ ފަންގިފިލާގަ އެވެ. އޮސްޓްރޭލިއާ ސަރުކާރުން ރާއްޖެއަށް މިހާރު ކަނޑައަޅާފައިވާ ސަފީރަކީ ޕޯލް ވެސްލީ ސްޓެފަންސް އެވެ.

އޮސްޓްރޭލިއާގެ ހައިކޮމިޝަނެއް ދިވެހިރާއްޖޭގައި ޤާއިމްކުރުމަށް ނިންމައި މިދިޔައަހަރުގެ ފެބްރުއަރީމަހު އެކަން ހާމަކުރެއްވީ އޮސްޓްރޭލިއާގެ ޚާރިޖީ ވަޒީރު މެރިސް ޕޭން އެވެ.

އެ ނިންމުން އިއުލާންކުރައްވަމުން އޮސްޓްރޭލިއާގެ ޚާރިޖީ ވަޒީރު މެރިސް ޕޭން ވިދާޅުވީ ރާއްޖޭގައި ދާއިމީކޮށް ގާއިމުކުރާ ހައި ކޮމިޝަނުގެ ސަބަބުން އިންޑިއާ ކަނޑުގެ މުހިންމު އަވަށްޓެރިއަކާއެކު އޮންނަ ގުޅުން އިތުރަށް ވަރުގަަދަވެގެންދާނެ ކަމަށެވެ. އަދި އެއީ އޮސްޓްރޭލިއާއާއި ރާއްޖެއިން ވެސް އެދޭ ގޮތަށް، އިންޑޯ ޕެސިފިކް ސަރަހައްދުގެ ހަމަޖެހުމާއި ސަލާމަތްތެރިކަން ކަށަވަރުކުރުމަށް ލެވޭ އިތުރު ބާރަކަށް ވާނެ ކަމަށް އޭނާ ވިދާޅުވިއެވެ.

Very pleased to announce that 🇦🇺 has opened an office in Malé, Maldives. 🇦🇺deeply values our warm and productive relationship with 🇲🇻 and looks forward to strengthening our bilateral relationship.
To stay updated on 🇦🇺’s engagements with Maldives, visit👉https://t.co/QvUeXyfgIv pic.twitter.com/oeNCNcxAHK

— Australia in Sri Lanka and Maldives (@AusHCSriLanka) May 24, 2023

ރާއްޖޭގައި އޮސްޓްރޭލިއާ ހައިކޮމިޝަން ހުޅުވުމާއި ގުޅިގެން ރާއްޖޭގެ ޚާރިޖީ ވަޒީރު ޝާހިދު ވިދާޅުވީ އޮސްޓްރޭލިއާގެ ހައިކޮމިޝަނެއް ދިވެހިރާއްޖޭގައި ހުޅުވުމުން އުފާކުރައްވާ ކަމަށެވެ.

މިނިސްޓަރު ޝާހދިު ވިދާޅުވީ އެކަމުގެ ސަބަބުން ދިވެހިރާއްޖެ އާއި އޮސްޓްރޭލިއާއާ ދެމެދު އޮންނަ ޒަމާންވީ ގާތް ގުޅުން އިތުރަށް ބަދަހިވެ، އާ އުސްމިންތަތަކަށް ދާނެ ކަމަށް ޔަގީންކުރައްވާކަމަށެވެ.

Very pleased that a resident Australian High Commission is established in Male’ now.

I remain assured that the close and cordial relations between Maldives and Australia will reach new heights following this milestone. 🇲🇻 🤝 🇦🇺 @AusHCSriLanka

— Abdulla Shahid (@abdulla_shahid) May 24, 2023

ދިވެހިރާއްޖެއިން އޮސްޓްރޭލިއާއެކު ސިޔާސީ ގުޅުން ގާއިމްކުރީ ޖޫން 1974ގައެވެ.