ކާމިޔާބު ވެރިކަމެއް ކުރެވޭނީ 4 ޝަރުތެއް ފުރިހަމަ ކުރެވިގެންކަމަށް ޢަދާލަތު ޕާޓީގެ ރައީސް އިމްރާން ޢަބްދުالله ވިދާޅުވެއްޖެއެވެ.

އިމްރާން މިއަދު ވިދާޅުވީ ކާމިޔާބު ވެރިކަމެއް ކުރަން ބޭނުންނަމަ ވަކިވަކި 4 ކަމެއް އެކުވެ ފުރިހަމަވާން ޖެހޭނެ ކަމަށެވެ.

އެގޮތުން އިމްރާން ފާހަގަކުރެއްވި ކަންތައްތަކަކީ ރިޔާސީ ކެނޑިޑޭޓެއްގެ ޝަރުތުތައް ހަމަވުމާއި، ވެރިކަމަށް ކުރިމަތިލައި އެކަމަށް ކެމްޕެއިން ކުރުމާއި، ރައްޔިތުންގެ ވޯޓުން ހޮވުމާއި، ހެޔޮ ވެރިކަމެއް ކުރަން އެނގުމެވެ.

“ކާމިޔާބު ވެރިކަމެއް ކުރެވޭނީ މި ހުރިހާ ކަމެއް ފުރިހަމަ ކުރެވިގެން.” އިމްރާން ވިދާޅުވިއެވެ.

Riyasee candidate eh ge sharuthu thah hamavumakee vaki kameh.

Kurimathilaa campaign eh kurevumakee vaki kameh.

Rayyithunge vote in hovumakee vaki kameh.

Heyo verikameh kuran engumakee mulhin vaki kameh.

Kaamiyaabu verikameh kureveynee mi hurihaa kameh furihama kurevigen.

— Imran Abdulla (@ShimranAb) June 10, 2023

އިމްރާން މިމޭރުމުން ވިދާޅުވެފައިވާއިރު އިމްރާނަކީ މި ސަރުކާރުގެ ކޯލިޝަން ޕާޓްނަރ ޢަދާލަތު ޕާޓީގެ ރައީސްއެވެ. އަދި އެޕާޓީންވަނީ މިއަހަރުގެ ރިޔާސީ އިންތިޚާބުގައިވެސް ރައީސް ޞާލިޙާއެކު ކުރިއަށް ދިއުމަށް ކޯލިޝަން ހަދާފައެވެ.

ޢަދާލަތު ޕާޓީގެ އިސްފަރާތްތަކުން ވިދާޅުވެފައިވަނީ މިއަހަރުގެ އިންތިޚާބު ރައީސް ޞާލިޙް ފަސޭހަކަމާއެކު ކާމިޔާބު ކުރަށްވާނެ ކަމަށެވެ.

މިއަހަރުގެ ރިޔާސީ އިންތިޚާބު ބޭއްވުމަށް ހަަމަޖެހިފައިވަނީ މިއަހަރުގެ ސެޕްޓެންބަރު މަހުގެ 09 ވަނަ ދުވަހުއެވެ.