މިސްރަށް ދަތުރުކުރާ ދިވެހިންނަށް މިހާރު އޮންއެރައިވަލް ވިސާ ލިބޭނެ ކަމަށް ޚާރިޖީ ވަޒީރު ޢަބްދުﷲ ޝާހިދު ވިދާޅުވެއްޖެއެވެ.

ޚާރިޖީ ވަޒީރު އަބްދުﷲ ޝާހިދު މިއަދު ވިދާޅުވީ 14 ޖޫން 2023 އިން ފެށިގެން މިޞްރަށް "ވިސާ އޮން އެރައިވަލް" ލިބޭ ޤައުމުތަކުގެ ލިސްޓުގައި އަލުން ދިވެހިރާއްޖެ ހިމަނުއްވައިދެއްވި ކަމަށްޓަކައި މިޞްރުގެ ފޮރިން މިނިސްޓަރ ސަމެހް ޝުކްރީއަށް ޝުކުރު ދަންނަވާ ކަމަށެވެ.

މިސްރާއި ރާއްޖެއާއި ދެމެދު އޮންއެރައިވަލް ވިސާގެ ޚިދުމަތް ފެށުމާ ގުޅިގެން ދެޤައުމުގެ ރައްޔިތުން އެއްގައުމު އަނެއް ގައުމަށް ދަތުރުކުރާއިރު، 30 ދުވަހަށްވުރެ ދިގު ނޫން މުއްދަތުގެ އޮން އެރައިވަލް ވިސާ ލިބޭނެއެވެ.

ޚާރިޖީ ވަޒީރު ޢަބްދުﷲ ޝާހިދު ވިދާޅުވީ، މިއީ ދިވެހިރާއްޖެއާއި މިޞްރާ ދެމެދު އޮތް ޚާއްޞަ ގުޅުން ރަމްޒުކޮށްދޭ އަލިގަދަ ހެއްކެއް ކަމަށެވެ.

I thank my dear brother, the Minister of Foreign Affairs of Egypt, Sameh Shoukry for including Maldives once again in the list of countries for Visa on Arrival, effective from 14 June 2023.

This is a momentous development that is reflective of the special relationship between…

— Abdulla Shahid (@abdulla_shahid) June 18, 2023

ރާއްޖޭން ދަނީ ގިނަ ޤައުމުތަކަކާއެކު ވިސާގެ އެއްބަސްވުންތައް ޤާއިމްކުރަމުންނެވެ. އެކަމުގެ ސަބަބުން ދިިވެހިންނަށް ވިސާ ނުނަގާ ދަތުރުކުރެވޭ ޤައުމުތައް ވަނީ އިތުރުވެފައެވެ.