މާލޭ މީހުނަށް ގޯތިދިނުން ހުއްޓުވަން ކުރާ މަސައްކަތް ބަލައިނުގަންނާނެ ކަމަށް ރައްޔިތުންގެ މަޖިލީހުގެ ކުރީގެ ނައިބުރައީސް ރީކޯ މޫސާ މަނިކު ވިދާޅުވެއްޖެއެވެ.

މާލޭ މީހުނަށް ހިލޭ ގޯތި ދޫކުރުމާ ދެކޮޅަށް ބައެއް ފަރާތްތަކުން ފާޅުކުރަމުންދާ ޝުޢޫރުތަކަށް ރައްދު ދެއްވަމުން މޫސާ މަނިކު ވިދާޅުވީ އެކަން ހުއްޓުވަން މަސައްކަތް ކުރުމުގެ ގޮތުން އެއްވެސް ކަމެއް ކުރުމަކީ ބަލައިގަނެވޭނެ ކަމެއް ނޫން ކަމަށެވެ.

މޫސަ ވިދާޅުވީ މީގެ ކުރިންވެސް މާލޭގެ ބިމުން އެތައް ރަށެއްގެ އެތައް ބަޔަކަށް ގޯއްޗާއި ފްލެޓް ދީފައިވާ ކަމަށެވެ. ނަމަވެސް އެކަމާ ދެކޮޅަށް މާލޭ ރައްޔިތުން ބަސްބުނެފައިނުވާ ކަމަށް މޫސަ ވިދާޅުވިއެވެ.

"މިފަހަރު ތިހެން ނުހައްދަވާ." އާދޭހާއެކު މޫސަ އެދިލައްވާފައިވެއެވެ.

މޫސަ ވިދާޅުވީ މިހާރު މަންޒަރު ފެންނަމުންދާ ގޮތުން މާލޭ ރައްޔިތުންނަށް ގޯތި ދިނުމާ ދެކޮޅަށް އަޑުއުފުލަމުން ގެންދަނީ މާލޭގައި ރިއަލް އެސްޓޭޓް ވިޔަފާރި ކުރާ ބަޔަކު އަޑީގައި ތިބެގެން ކަމަށް ތުހުމަތު ކުރަށްވާ ކަމަށެވެ.