ކުޑަކުދިންނާ ޒުވާނުން ދިވެހި ބަހަށް ޝައުޤުވެރި ކުރުވުމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް އިލްތިމާސް ކުރަށްވައިފިއެވެ.

ލިޔުންތެރިންގެ ދުވަހުގެ ހެޔޮއެދުމާ ތަހުނިޔާ ރާއްޖޭގެ ލިޔުންތެރިންނަށް އަރިސްކުރައްވާ މިއަދު ފޮނުއްވި މެސެޖުގައި ރައީސް ވިދާޅުވީ ދިވެހިބަސް ދިރުވާ އާލާކުރުމަށްޓަކައި ކުޑަކުދިންނާ ޒުވާނުން ދިވެހި ބަހަށް ޝައުޤުވެރި ކުރުވަންޖެހޭ ކަމަށެވެ.

ދިވެހިންގެ އަދަބީ ތަރިކަ ރައްކާތެރިކޮށް ދިވެހި ބަސް ދިރުވައި އާލާކުރުމަށްޓަކައި ދިވެހި ބަހުގެ ލިޔުންތައް އިތުރުކުރުމަކީ ކޮންމެހެން ކުރަންޖެހޭ ކަމެއްކަން ރައީސްގެ މެސެޖުގައި ފާހަގަކުރަށްވާފައިވެއެވެ.





ރާއްޖޭގައި ލިޔުންތެރިންގެ ދުވަހުގެ ގޮތުގައި މިއަދު ފާހަގަ ކުރާއިރު މިއަދާ ގުޅިގެން ގިނަ ޙަރަކާތްތަކެއް ކުރިއަށް ގެންދިއުމަށް ސަރުކާރުން ވަނީ ނިންމަވާފައެވެ.



ކިޔުންތެރިންގެ ހިޔާލު