ސިނަމާލެ ބްރިޖާއި ހައިވޭ ގުޅޭ ހިސާބުން އެއާޕޯޓު ޓްރެފިކް ލައިޓް ކައިރިއަށް އުދަ އަރަމުންދާތީ، އެ ސަރަހައްދުން އެއްގަމު އުޅަނދު ދުއްވާ ފަރާތްތަކުން ސަމަލުވުމަށް ފުލުހުން އިލްތިމާސް ކޮށްފިއެވެ.
ފުލުހުން މިއަދު ބުނީ ސިނަމާލެ ބްރިޖާއި ހައިވޭ ގުޅޭ ހިސާބުން އެއާޕޯޓު ޓްރެފިކް ލައިޓް ކައިރިއަށް އުދަޔާއެކު ގަލާއި ވެލި އަރަމުންދާކަމަށެވެ.
މޫސުމާބެހޭ ޤައުމީ އިދާރާއިންވެސް މިއަދު ބުނެފައިވަނީ ދިޔަވަރު ބޮޑުވާ ވަގުތުތަކުގައި ބައެއް ރަށްތަކަށް އުދައިގެ އަސަރު ކުރުމަކީ އެކަށީގެންވާ ކަމެއް ކަމަށެވެ. އޭގެއިތުރުން މިއަދު ހަވީރު 6:00 އާ ހަމައަށް ކަނޑުގައި އުފެދޭ ރާޅު ބާނި ހުންނާނީ ދެ ފޫޓާއި ހަތަރު ފޫޓާ ދެމެދުގެ އުސްމިނެއްގައި ކަމަށް މެޓް އޮފީހުން ލަފާކުރެ އެވެ.
ދިޔަވަރު ބޮޑުވާ ވަގުތުތަކުގައި ސިނަމާލެ ހައިވޭ ސަރަޙައްދަށް އުދަ އެރުމަކީ ޢާއްމު ކަމެކެވެ.
ދިޔަވަރު ބޮޑުވާ ވަގުތުތަކުގައި ސިނަމާލެ ހައިވޭ ސަރަޙައްދަށް އުދަ އެރުމަކީ ޢާއްމު ކަމެކެވެ.
ކިޔުންތެރިންގެ ހިޔާލު